Siamju ŭ Hrodnie asudzili za płakat, u jakim nibyta źmiaščałasia abraza Łukašenki
Sud Leninskaha rajona Hrodna 26 lutaha vynies prysud mužu i žoncy Siarhieju i Taćcianie Čyžam, jakich abvinavacili ŭ paklopie na Łukašenku pavodle č. 2 art. 367 KK.
Spravu razhladała sudździa Natalla Kozieł.
Da suda Siarhiej znachodziŭsia pad vartaj, a Taćciana — pad padpiskaj, pakolki ŭ siamji dvoje niepaŭnahadovych dziaciej.
Pa materyjałach abvinavačańnia, u žniŭni 2020 hoda Siarhiej i Taćciana pryniali ŭdzieł u niesankcyjanavanym masavym mierapryjemstvie, razam ź mitynhoŭcami prajšli pa hramadskich miescach horada, centralnaj płoščy, parku Žylibiera.
Pry hetym demanstravali zahadzia vyrableny płakat, pamierami prykładna 2,5 ch 3 mietra, na jakim byŭ napisany tekst, jaki «źmiaščaje paklopnickija źviestki ŭ dačynieńni da Łukašenki».
Sud pryznačyŭ Siarhieju 3 hady «chimii», a Taćcianie — 3 hady «chatniaj chimii».
Kamientary