Šviecyja budzie vydavać pašparty zamiežnika biełarusam z praterminavanymi dakumientami
U sieradu Šviedskaje ahienctva pa mihracyi Migrationsverket vypuściła pravavuju pazicyju pa pašpartach dla biełarusaŭ i biełarusak.
Dakumient źjaŭlajecca pravavoj pazicyjaj Ahienctva pa mihracyi i akcentuje ŭvahu na važnaści mahčymaści hramadzian i hramadzianak Biełarusi atrymać pašpart u niekatorych vypadkach, kali adsutničaje mahčymaść atrymać nacyjanalny pašpart, nie vyjechaŭšy ŭ Biełaruś.
U ciapierašnich umovach biełarusy nie pavinny zaachvočvacca da pajezdak na radzimu dla atrymańnia pašpartoŭ. Na praktycy heta aznačaje, što hramadzianie Biełarusi, jakija znachodziacca za miažoj, nie majuć mahčymaści atrymać dakumient, jaki dziejničaje jak pašpart.
Takim čynam, mihracyjnamu ahienctvu daviadziecca vydavać pašparty zamiežnika ci inšy dakumient hramadzianam i hramadziankam Biełarusi, jakija znachodziacca ŭ Šviecyi i nie mohuć atrymać pašpart z-za hetych abmiežavańniaŭ, kab u ich była mahčymaść kudyści pastavić dazvoł na žycharstva.
U niekatorych vypadkach zamiežniku moža być pradastaŭleny dazvoł na žycharstva navat pry adsutnaści pašparta, kali niemahčyma atrymać pašpart na praciahu razumnaha terminu (hł. 2.1 i §§ 1a Zakona ab zamiežnikach), albo praz zamiežnaje pradstaŭnictva svajoj krainy, albo praz ułady na radzimie.
Tema identyfikacyjnych dakumientaŭ dla biełarusaŭ i biełarusak nieadnarazova ŭzdymałasia Śviatłanaj Cichanoŭskaj i Narodnaj ambasadaj Biełarusi ŭ Šviecyi ŭ kantaktach sa šviedskimi ŭładami.
«Vyjšaŭ ź lohkim škadavańniem». Biełarusy raskazali, jak prymali novaje hramadzianstva i što rabili sa starym
«Adčuvaju siabie durnicaj». Jak prapahandysty i śpiecsłužby «prapanoŭvali» novyja pašparty biełarusam zamiežža
Na ANT pakazali pašpart «Novaj Biełarusi» na imia nieisnujučaha kedebista. Kavaleŭski: U nas jašče navat niama ŭzoraŭ
Prakopjeŭ krytykuje prapanovu kapitulavać: Kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ10
Kamientary