Andrej Łunin paryruje ŭdar z 11 mietraŭ Biernarda Siłvy. Fota: Dave Shopland / AP
Hałkipier madrydskaha «Reała» Andrej Łunin navažyŭsia nahadać pra vajnu va Ukrainie ŭ svaim kamientary paśla čverćfinalnaha matču ŭ adkaz suprać «Mančester Sici» padčas Lihi čempijonaŭ, dzie «Reał» pieramoh anhlijski kłub u sieryi pienalci i vyjšaŭ u paŭfinał Lihi čempijonaŭ.
«U majoj krainie składanaja situacyja. Z-za hetaha mnie ciažka treniravacca na štodzionnaj asnovie. Ale ja chaču padziakavać usim, chto padtrymlivaje mianie», — skazaŭ Łunin.
Ukraina apošnim časam pačała padviarhacca rehularnym abstrełam i nalotam. Andrej Łunin naradziŭsia ŭ Charkaŭskaj vobłaści i źjaŭlajecca vychavancam charkaŭskaha futboła.
Statystyčny resurs SofaScore pryznaŭ Łunina najlepšym hulcom učorašniaha pajadynku. Andrej ździejśniŭ vosiem sejvaŭ i adbiŭ dva ŭdary ŭ sieryi paślamatčavych pienalci.
Čytajcie taksama:
Anhlija! Na vychad! «Mančester Sici» i «Arsienał» vylecieli ź Lihi čempijonaŭ
Ahoń u Dortmundzie i siensacyja ŭ Barsiełonie: vyznačylisia pieršyja paŭfinalisty Lihi čempijonaŭ
Turkmienski futbolny kłub pabiŭ rekord Knihi Hinesa, ale taja čamuści hetaha nie pryznaje