Raniej hazieta Bangkok Post paviedamiła sa spasyłkaj na svaju krynicu, što sprava moža być zakrytaja ŭžo siońnia.
Prakuratura Tajłanda adkłała da 11 lutaha rašeńnie pra los piacioch členaŭ ekipažu samalota Ił‑76, jaki pieravoziŭ zbroju.
Raniej hazieta Bangkok Post paviedamiła sa spasyłkaj na svaju krynicu, što sprava moža być zakrytaja, a lotčyki - čaćviora hramadzian Kazachstana i 54-hadovy biełarus Michaił Pietuchoŭ - buduć užo siońnia vyzvalenyja.
***
Samalot Ił‑76 hruzinskaj rehistracyi byŭ zatrymany tajłandskimi ŭładami 11 śniežnia 2009 hoda paśla taho, jak u chodzie nadhladu padčas pramiežkavaj pasadki pavietranaha sudna dla dazapraŭki byli vyjaŭleny ŭpakavanyja ŭ skryni z hramadzianskaj markiroŭkaj hranatamioty, partatyŭnyja zienitna‑rakietnyja kompleksy i inšaja zbroja, zahružanaja ŭ samalot u Paŭnočnaj Karei. Nadhlad samalota pravodziŭsia na padstavie rezalucyi № 1874 Savieta biaśpieki AAN, jakaja pradpisvaje nadhladać hruzy z Paŭnočnaj Karei na pradmiet parušeńnia sankcyj AAN suprać hetaj krainy (Paŭnočnaj Karei zabaroniena handlavać zbrojaj).
Členam ekipaža — čatyrom hramadzianam Kazachstana i hramadzianinu Biełarusi — byli vystaŭleny abvinavačańni ŭ niezakonnym zachoŭvańni zbroi i paviedamleńni zaviedama niepraŭdzivaj infarmacyi ab charaktary hruzu ŭładam Tajłanda. Pavodle tajskich zakonaŭ, lotčykam pahražała surjoznaje pakarańnie až da śmiarotnaj kary. Ekipaž całkam admaŭlaje svaju vinu. Lotčyki śćviardžajuć, što nie viedali pra znachodžańnie na borcie zbroi.
Kamientary