U Hrecyi z-za rekordnaj śpioki začynili škoły i dostup u Akropal
Tempieratura dniom dasiahaje 43 hradusaŭ u cieni.
Hrecyju nakryła rekordnaja chvala śpioki. Tempieratura dniom dasiahaje 43 hradusaŭ u cieni. U niekalkich rehijonach, uklučajučy staličny, začynienyja škoły, piša Rasijskaja słužba Radyjo Svaboda.
Ministerstva pracy Hrecyi rekamienduje pradpryjemstvam pa mahčymaści pieravodzić supracoŭnikaŭ na addalenuju pracu. U sieradu Ministerstva kultury abviaściła, što hałoŭnaja turystyčnaja słavutaść — Afinski Akropal — budzie začynieny dla naviedvalnikaŭ u samyja haračyja hadziny, z 12:00 da 19:00 až da asablivaha rasparadžeńnia.
Heta pieršaja chvala anamalnaj śpiakoty ŭ Hrecyi sioleta. Mietearołahi adznačajuć, što raniej takija chvali byvali ŭ siaredzinie leta, ale jašče nikoli śpiakota nie prychodziła raniej za 15 červienia.
Anamalnaj dla Hrecyi ličycca letniaja tempieratura vyšej za 38 hradusaŭ, jakaja trymajecca nie mienš za try dni.
Letaś Akropal užo zakryvali dla turystaŭ u lipieni. Tady niebiaśpiečnaja śpiakota doŭžyłasia dva tydni, i pakul słavutaść nie začynili, turysty stracili prytomnaść u čarzie pa kvitki i na ekskursijach.
Hrecyja ŭvachodzić u lik jeŭrapiejskich krain, dzie źmieny klimatu najbolš bačnyja. U minułym hodzie śpioka vyklikała chvalu lasnych pažaraŭ; paśla ich z-za klimatyčnych «arelaŭ» pačalisia bahatyja daždžy, jakija vyklikali pavodki. I pažary, i pavodki nanieśli prykmietny ŭron jak pryrodzie, tak i sielskaj haspadarcy i haradam.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary