U zabitaj u Hiermanii eks-sudździ z Kazachstana vyjavili nažavyja ranieńni ruk, šyi i tvaru
40-hadovaja Ajhul Sajłybajeva vučyłasia ŭ Šefiłdzie (Anhlija), a zatym pracavała sudździoj u Astanie. U apošnija hady jana žyła z mužam, dačkoj i śviakroŭju ŭ horadzie Bienschajm na zachadzie Hiermanii, piša Bild.
Ranicaj 4 červienia Sajłybajeva adviała dvuchhadovuju dačku Žaklin u dziciačy sad. Z taho času maci nichto nie bačyŭ. U niadzielu jaje cieła znajšli na ŭskrainie horada ŭ płastykavym miašku.
Pa dadzienych Bild, u zabitaj vyjavili nažavyja ranieńni na rukach, šyi i tvary.
«My miarkujem, što adbyłasia bojka, što na žančynu napali i jana, musić, adčajna abaraniałasia», — raspavioŭ śledčy. Što praŭda, pakul niama nivodnaha padazravanaha.
Adnačasova z Sajłybajevaj źnikła jaje 49-hadovaja śviakroŭ Natalla Dancova z Rasii. 4 červienia jana zabrała ŭnučku ź dziciačaha sadka i pryviała dadomu. Z taho času babulu nie bačyli.
Ciapier junaja Žaklin znachodzicca z baćkam. U Hiermaniju z Kazachstana pryjechaŭ 35-hadovy brat zahinułaj Kanat Sajłybajeŭ. Jon raspavioŭ, što žadaje pachavać siastru na radzimie.
«U nas była vielmi ciesnaja suviaź, — raspavioŭ Kanat. — My chvalavalisia. Heta było zusim nie ŭ charaktary Ajhul. Zvyčajna jana adkazvała na paviedamleńni na praciahu piaci chvilin. Našyja baćki razmaŭlali ź joj pa telefonie kožny dzień, apošni raz 3 červienia. Užo 5 červienia my paviedamili ŭ palicyju. <…>
Ajhul była vielmi adkrytym i spahadnym čałaviekam. Jana lubiła svaju dačku bolš za ŭsio na śviecie i była lubiačaj maci. Spadziajusia, toj, chto vinavaty ŭ śmierci Ajhul, paniasie spraviadlivaje pakarańnie i spraviadlivaść pieramoža», — skazaŭ jon.
Kamientary