Ci daduć piensiju tym piensijanieram, jakija nie parupiacca adkryć rachunak u banku?
Z 1 lipienia zapracujuć novyja praviły vypłaty piensij i dapamoh. Piensijaniery, jakija žyvuć u Minsku, a taksama abłasnych i rajonnych centrach, ciapier zmohuć atrymlivać piensiju tolki ŭ banku, dla čaho im treba adkryć śpiecyjalny rachunak. Ale, jak zaŭsiody byvaje ŭ takich vypadkach, daloka nie ŭsie pažyłyja ludzi svoječasova dojduć da banka.
Akramia piensijanieraŭ, taki rachunak ciapier patrebien dla atrymańnia dapamoh siemjam, jakija vychoŭvajuć dziaciej, i dapamoh pa dohladu za invalidam I hrupy.
U Ministerstvie pracy i sacabarony nahadali, što ŭsie hetyja patencyjnyja atrymalniki sacyjalnych vypłat pavinny da 21 červienia ŭklučna adkryć bazavy rachunak u banku, a taksama napisać zajavu ab pieraličeńni ich u bank. Atrymańnie hrošaj na pošcie, jak mnohija pryzvyčailisia, stanie paśla 1 lipienia niemahčymaje.
U toj ža čas u viedamstvie adznačyli, što tyja, chto nie paśpieje adkryć taki rachunak, «biez sacvypłat nie zastanucca». Kožny vypadak płanujuć razhladać indyvidualna.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary