U Rasii raskazali, jak vyrašajuć prablemu ź mihrantami — ich adpraŭlajuć na vajnu va Ukrainu
Kiraŭnik Śledčaha kamiteta RF Alaksandr Bastrykin zajaviŭ, što ŭ Rasii «adłavili» 30 tysiač mihrantaŭ, jakija atrymali hramadzianstva RF, i 10 tysiač ź ich adpravili na vajnu. Jon zajaviŭ pra heta, vystupajučy na Pieciarburhskim mižnarodnym jurydyčnym forumie.
«My adłavili bolš za 30 tysiač [mihrantaŭ], jakija atrymali hramadzianstva i nie žadajuć stać na voinski ŭlik, pastavili na ŭlik i ŭžo kala 10 tysiač nakiravali ŭ zonu SVA», — cytuje kiraŭnika viedamstva RIA Novosti.
Bastrykin nazvaŭ takuju praktyku «fiškaj, jakaja pryviała da taho, što mihranty stali pavoli pakidać Rasiju».
«Nam kažuć: «Navošta jany tam patrebnyja, hetyja tavaryšy?» Kapać akopy i ŭmacavańni stvarać, dla hetaha patrebnyja sapraŭdy dobryja pracoŭnyja ruki. Jany siońnia papaŭniajuć šerahi našych tyłavych padraździaleńniaŭ», — dadaŭ kiraŭnik SK.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary