Buduć pravodzicca rehularnyja pravierki i rejdy.
Kryminalnaja słužba mytni Litvy i Litoŭskaja administracyja transpartnaj biaśpieki buduć pravodzić rehularnyja rejdy na pamiežnych ź Biełaruśsiu pastach i detalovyja pravierki. Pryčynaj stała raskrytaja novaja schiema abychodu sankcyj, paviedamlajecca na sajcie litoŭskaj mytni.
Pavodle viersii litoŭskaha boku, hruzavyja ciahačy z paŭpryčepami zarehistravanych u Litvie kampanij vyjazdžajuć u Biełaruś i Rasiju dla pieravozki hruzaŭ, ale tak i nie viartajucca. Pa takoje schiemie vyvoziać i luksavyja aŭtamabili.
Zaŭvažana, što asobnyja ludzi rehistrujuć na svajo imia transpartnyja srodki, jakija vyjazdžajuć, ale zatym nie viartajucca ŭ Litvu», — kanstatuje mytnia Litvy.
U suviazi z hetym mytnia Litvy nahadvaje, što artykuł 15 zakona ab mižnarodnych sankcyjach praduhledžvaje štraf ad 50 da 100% koštu tavaru i nie mienš za 10 tysiač jeŭra za takija parušeńni sankcyj u dačynieńni da jurydyčnych asob.
Pieršyja rejdy, praviedzienyja na punktach propusku «Miedniki» (Miadzininkaj) i «Salečniki» (Šalčyninkaj) vyjavili takija parušeńni, jak adsutnaść dziejnych paśviedčańniaŭ, kiravańnie biez vykarystańnia abo vykarystańnia padroblenaj karty kiroŭcy i da t.p. takija parušeńni vykarystoŭvajucca jak instrumient dla abychodu sankcyj ES suprać Rasii i Biełarusi, dapamahajučy niekatorym kampanijam znachodzić hlebu dla niezakonnaj dziejnaści.
Ciapier čytajuć
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary