Milinkievič nazvaŭ mahčymaha pierajemnika Łukašenki, ale zaklikaŭ nie pieražyvać
«Siłavik, jakoha adnaznačna padtrymaje Maskva».
U novym vypusku TOKu Alaksandr Milinkievič parazvažaŭ, chto ź biełaruskich čynoŭnikaŭ moža być pierajemnikam Łukašenki. Na jaho dumku, heta, chutčej za ŭsio, budzie čałaviek, jakoha adnaznačna padtrymaje Maskva. I im, chutčej za ŭsio, budzie siłavik.
«Ale heta nie značyć, što my prajhrajem adnaznačna, — supakojvaje palityk i tłumačyć:
Nieviadoma, ci zdoleje siłavik utrymać Biełaruś. Nie tak lohka jaje ŭtrymać. Narod inšy. Jon nie pojdzie ŭ dyktaturu, u kazarmu. I jaki b mocny ni byŭ hety siłavik, jakaja b ni była padtrymka Maskvy, usio roŭna ŭ nas jość vialikija šancy pry takich pieramienach.
Byvała, što i siłaviki prychodziać [da ŭłady]. Ale tak ža chutka mohuć źnikać. I ŭvohule, paŭtaryć Łukašenku, zrabić Łukašenku-2 nie atrymajecca, jak nie atrymałasia zrabić Stalina-2 i mnohich inšych dyktataraŭ Heta vielmi piersanalisckaja dyktatura».
Razam z hetym palityk zaŭvažyŭ, što nie vieryć u toje, što Łukašenka sam pieradaść uładu:
«Da kanca nie vieru. Navat Koli siońnia nie pieradaść. Kola zamnoha ŭ internecie siadzić».
Hladzicie całkam:
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
Jesť kandidaty, jesť narod i oni vybirajut, ili umnych ili durakov, zavisit ot toho kakoj jesť narod.