Za paŭhoda mižnarodnuju abaronu ŭ Polščy atrymali 1400 biełarusaŭ — heta samaja vialikaja hrupa zamiežnikaŭ
Kolkaść admovaŭ minimalnaja.
![](http://nashaniva.com/img/w732d4webp1/photos/z_2022_07/1-jeaxn.jpg.webp)
U pieršaj pałovie 2024 hoda 1400 hramadzian Biełarusi atrymali mižnarodnuju abaronu ŭ Polščy.
Biełarusy stali samaj vialikaj hrupaj zamiežnikaŭ, jakija atrymali abaronu, paviedamlajuć polskija ŭłady.
Na druhim miescy pa stanoŭčych rašeńniach apynulisia ŭkraincy — 1300 čałaviek, na trecim raźmiaścilisia rasijanie — 100 čałaviek.
Pry hetym 760 zamiežnikaŭ za hety pieryjad atrymali admovy ŭ mižnarodnaj abaronie, u tym liku 50 biełarusaŭ, 320 rasijanaŭ i 45 indyjcaŭ.
U pieršym paŭhodździ 2024 hoda kolkaść zajaŭ pavialičyłasia na 79% u paraŭnańni z anałahičnym pieryjadam minułaha hoda. Bolš za ŭsich zajaŭ padali hramadzianie Ukrainy — 2700. Biełarusy padali 2000 zajaŭ, rasijanie — 600, samalijcy — 400, siryjcy — 300.
Bolš za ŭsio zajavak padali mužčyny — 5,1 tys. čałaviek, žančyny padali 2,6 tys.zajaŭ. Siarod zajaŭnikaŭ pieravažajuć ludzi va ŭzroście 18-34 hadoŭ.
Zamiežniku pradastaŭlajecca mižnarodnaja abarona (u formie statusu biežanca abo dadatkovaj abarony), kali jamu ci joj pahražaje niebiaśpieka pieraśledu abo realnaja ryzyka straty žyćcia abo zdaroŭja ŭ krainie pachodžańnia. Pry hetym inšaziemiec nie pavinien być pahrozaj nacbiaśpieki Polščy.
Mižnarodnaja abarona pradastaŭlajecca biesterminova. Adnak jaje možna pazbavicca, kali kantaktavać ź dziaržorhanami rodnaj krainy abo viarnucca na radzimu.
«Kali b Zachad zatrymlivaŭ łukašenkaŭskich ahientaŭ, moh by być abmienny fond». Viačorka — pra palitviaźniaŭ, kadravuju ciakučku ŭ Kabiniecie, situacyju na miažy i vizy
![](http://nashaniva.com/img/w450h300crop1webp1/photos/z_2024_08/photo_2024-08-01_21-01-31-zt8ir.jpg.webp)
Kamientary