Byłoha palitviaźnia z Baranavičaŭ znoŭ schapili. Jamu pahražaje da 12 hadoŭ kałonii
Raniej Vital Koršun adbyŭ pakarańnie za kamientar u telehramie.
Vitalu Koršunu 37 hadoŭ. Rodam jon z Baranavičaŭ. Ipešnik, rod dziejnaści — «roźničny handal adzieńniem, abutkam i tekstylnymi vyrabami».
Upieršyniu Koršuna sudzili ŭ vieraśni 2021-ha. Za hod da hetaha jon pakinuŭ kamientar pra toje, što treba šukać adras niejkaha amapaŭca. Pa viersii samoha amapaŭca, Siarhieja Bałabanoviča, paśla hetaha dopisu jon vielmi spałochaŭsia, choć Koršun chutka jaho vydaliŭ. U vyniku pradprymalniku prysudzili dva miesiacy aryštu.
Nastupnaha razu Vitala zatrymali ŭ studzieni 2024 hoda. I znoŭ za kamientary ŭ telehramie. Miarkujučy pa ŭsim, prablema była ŭ nieabaronienym telehram-akaŭncie.
Sud nad Koršunam pačniecca 13 žniŭnia ŭ Bresckim abłasnym sudzie. Jamu zakidajuć ažno piać palityčnych artykułaŭ: «paklop na Łukašenku» (č. 2 art. 367 KK), «udzieł u dziejańniach, jakija hruba parušajuć hramadski paradak» (č. 1 art. 342 KK), «arhanizacyja masavych biesparadkaŭ» (č. 1 art. 293 KK), «zakliki da sankcyjaŭ» (č. 3 art. 361) i «raspalvańnie varožaści abo varažniečy» (č. 1 art. 130 KK). Palitviaźniu pahražaje da 12 hadoŭ kałonii.
Sudzić jaho budzie Śviatłana Kramianieŭskaja. Pra pieršyja palityčnyja prysudy žančyny było viadoma jašče ŭ 2000-ja. Z 2020-ha asudziła šmat palitviaźniaŭ na vialikija terminy — u tym liku dała dziesiać hadoŭ śviedku zabojstva Hienadzia Šutava Alaksandru Kardziukovu i siem hadoŭ Alaksandru Paliŭku za telehram-kamientary.
«Naša Niva» — bastyjon biełaruščyny
PADTRYMAĆ
Kamientary