Japonskaja miedyjakarparacyja Nikkei Asia pry dapamozie abjadnańnia byłych biełaruskich siłavikoŭ «Biełpoł» vyjaviła schiemu pastavak z Kitaja ŭ Biełaruś detalaŭ dla rakiet i bombaŭ, jakija potym vykarystoŭvajucca rasijskaj armijaj suprać Ukrainy.
«BiełOMA» i «Pielenh» atrymlivajuć ad kitajskich kampanij tysiačy kampanientaŭ dla modulaŭ łaziernaha naviadzieńnia rakiet i bombaŭ, jakija potym Rasija skidaje na Ukrainu. Pra heta paviedamlaje bujnoje japonskaje ahienctva Nikkei Asia, jakoje ładziła rasśledavańnie sumiesna ź inicyjatyvaj «Biełpoł».
Pavodle rasśledavańnia, 1 śniežnia 2023 hoda kitajskaja kampanija Green Cycle Energy atrymała ad biełaruskaha abaronnaha padradčyka «BiełOMA» zakaz na pastaŭku 3000 kampanientaŭ dla łaziernaha modula LAD-21T. Hety najnoŭšy modul užyvajecca ŭ bombach i rakietach z łaziernym naviadzieńniem.
Płaciož pa dadzienaj uhodzie byŭ zrobleny ŭ juaniach. U apieracyi ŭdzielničaŭ šanchajski filijał rasijskaha dziaržaŭnaha banka VTB. Potym užo 16 lutaha hetaha hoda Green Cycle Energy i «BiełOMA» padpisali novy kantrakt na sumu jašče 5,56 miljona juaniaŭ (764 tysiačy dalaraŭ) na zakupku ŭsio tych ža kampanientaŭ.
Jašče adna kitajskaja kampanija Morotack Technology 1 lutaha padpisała z rahačoŭskim zavodam «Dyjaprajektar» (naležyć chołdynhu «BiełOMA») kantrakt na pastaŭku 200 adzinak kamplektujučych, zvanych «fłancami», jakija taksama važnyja dla sistem naviadzieńnia. Suma ździełki skłała 114 tysiač juaniaŭ (15,5 tysiačy dalaraŭ), apieracyju pravodzili biełaruskija i kitajskija banki.
2 maja «Dyjaprajektar» iznoŭ zakazaŭ hetyja detali ŭ Morotack Technology.
Akramia taho, jak paviedamlaje Nikkei Asia, «Dyjaprajektar» 20 lutaha i 20 sakavika atrymlivaŭ šmatlikija kitajskija łaziernyja kampanienty ad rasijskaj kampanii Precision Laser Systems na sumu amal 500 tysiač dalaraŭ. Dalej biełaruski zavod pieradavaŭ ich «Pielenhu», a toj užo pieradavaŭ stvoranyja moduli naviadzieńnia i pryceły rasijskaj armii.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj43
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary