Trochrazovaja alimpijskaja čempijonka nie pajedzie na hulni ŭ Paryž z-za videa čatyrochhadovaj daŭniny
U śviecie konnaha sportu razhareŭsia maštabny skandał, fihurantkaj jakoha stała trochrazovaja alimpijskaja čempijonka i nieadnarazovaja pryziorka Alimpijad pa vyjezdcy Šarłota Dziužarden ź Vialikabrytanii.
Niadaŭna ŭ adnym ź jeŭrapiejskich ŚMI źjaviłasia videa, na jakim zafiksavany momant adnoj z trenirovak spartsmienki.
Na im Dziužarden bje svajho spartyŭnaha kania plotkaj, sprabujučy damahčysia ad žyvioliny vykanańnia elemienta «pijafe» — zapavolenaha ruchu na rysi. Za chvilinu jana nanieśli 24 udary.
Sama spartsmienka nie stała admaŭlać faktu žorstkaha abychodžańnia z žyviolinaj.
«Mižnarodnaja fiederacyja konnaha sportu zakanamierna pačała rasśledavańnie. I ja pryniała rašeńnie źniacca z usich spabornictvaŭ, uklučajučy Alimpijskija hulni ŭ Paryžy, pakul praciahvajecca praces.
Toje, što adbyłosia, zusim nie ŭ maim charaktary i nie adlustroŭvaje taho, jak ja treniruju svaich koniej i vučniaŭ. Adnak hetamu niama apraŭdańnia. Mnie vielmi soramna. Bo ja pavinna słužyć najlepšym prykładam», — zajaviła spartsmienka.
Incydent u pryvatnaj brytanskaj stajni, jaki trapiŭ u sieciva, vyklikaŭ niemały rezanans i asudžeńnie navat siarod prychilnikaŭ lehiendarnaj 39-hadovaj najeźnicy. Isnuje navat viersija, što źliŭ u sieciva videa čatyrochhadovaj daŭniny — sproba kankurentaŭ likvidavać mocnuju sapiernicu na hałoŭnych startach.
Tak ci inakš, Šarłota Dziužarden paryžskija hulni-2024 prapuścić. Raniej jana była ŭładalnicaj troch załatych miedaloŭ AH-2012 u Łondanie i AH-2016 u Rya-de-Žaniejra, a taksama sierabra Rya-2016 i dźviuch bronzaŭ Tokia-2020.
Akramia Šarłoty Dziužarden, vymušanaja admovicca ad vystupleńniaŭ na Alimpijadzie-2024 i čempijonka śvietu pa vyjezdcy Karyne Kase Krut z Danii. Pryčyna taja ž — žorstkaje abychodžańnie z žyviołami.
U roliku, źniatym jašče ŭ pačatku 2022-ha, Krut biła kania rydloŭkaj, što mocna ŭdaryła i pa jaje reputacyi.
Na minułaj Alimpijadzie ŭ Tokia Krut stała siomaj u asabistym zaliku i čaćviortaj u kamandnym, a paśla vyjhrała ŭ składzie kamandy pa vyjezdcy zołata čempijanatu śvietu-2022 i bronzu čempijanatu Jeŭropy-2023. Na AH-2024 jana pavinna była pajechać u jakaści zapasnoj udzielnicy, ale jakraz pierad abviaščeńniem alimpijskaha składu i ŭspłyło videa sa źbićciom kania na treniroŭcy.
Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady
«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž
Surjozna? Alimpijcy buduć płavać u Sienie? Nasamreč, afihienny prajekt adradžeńnia raki
Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary