Stała viadoma, dzie buduć pravodzić zimovyja Alimpijady 2030 i 2034 hadoŭ
Na 142 siesii Mižnarodnaha alimpijskaha kamiteta (MAK) u Paryžy nazvali miescy praviadzieńnia zimovych Alimpijskich hulniaŭ u 2030 i ŭ 2034 hodzie. Praŭda, hałasavańnie faktyčna pravodzili farmalna, bo ŭ abodvuch vypadkach vybary byli biezalternatyŭnyja.
Zimovyja hulni 2030 hoda projduć z 1 lutaha pa 17 lutaha u Francuzskich Alpach. Heta budzie ŭžo čaćviorty raz, kali Francyja praviadzie ŭ siabie zimovyja Alimpijskija hulni. U 1924 hodzie jany ŭvohule pieršy raz u historyi prajšli ŭ Šamani, u 1968 hodzie — u Hrenobli, u 1992 hodzie — u Albiervili. Hetym razam hałoŭnym centram z aficyjnymi abjektami, takimi jak baza MAK i pres-centr, stanie horad Nica.
«Francyja maje daŭnija tradycyi praviadzieńnia Alimpijskich hulniaŭ. My prapanujem spabornictva, jakoje ŭvojdzie ŭ suśvietnuju historyju. Usio, što my zabiaśpiečym u 2024 hodzie, my zabiaśpiečym i ŭ 2030 hodzie va ŭsich adnosinach. My chočam pakazać usiamu śvietu, što zimovyja hulni — heta nie prosta historyja, a častka našaj budučyni», — zajaviŭ prezident Francyi Emanuel Makron.
Da 2030 hoda ŭ Francyi płanujuć pabudavać adrazu piać alimpijskich viosak, kab «źvieści da minimumu stres ad pajezdak» dla spartsmienaŭ.
Praz čatyry hady zimovych spartsmienaŭ z usiaho śvietu maje pryniać amierykanski Sołt-Łejk-Sici, heta budzie druhi raz paśla 2002 hoda. ZŠA taksama pravodzili zimovyja Alimpijskija Hulni ŭ 1932 hodzie (Łejk-Płesid), u 1960 hodzie (Skvo-Veli) i ŭ 1980 hodzie (Łejk-Płesid). Usiaho, takim čynam, amierykancy buduć prymać spabornictvy ŭžo piaty raz.
Trochrazovaja alimpijskaja čempijonka nie pajedzie na hulni ŭ Paryž z-za videa čatyrochhadovaj daŭniny
Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady
«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž
Kamientary