Paćvierdžanyja straty Rasii va Ukrainie pieravysili 60 tysiač čałaviek zabitymi
Rasijskaja armija straciła bolš za 60 tysiač vajskoŭcaŭ z momantu pačatku ŭvarvańnia va Ukrainu, havorycca ŭ daśledavańni «Miedyjazony» i «Ruskaj słužby Bi-bi-si», jakoje žurnalisty pravodziać sumiesna z kamandaj vałancioraŭ, hruntujučysia na adkrytych krynicach.
![](http://nashaniva.com/img/w840d4webp1/photos/z_2024_07/9493f8982df51a9d22e175fd58e77c3f-dlfyc.jpg.webp)
Pa stanie na 26 lipienia im udałosia ŭstanavić imiony 61 009 rasijskich vajskoŭcaŭ, jakija zahinuli na vajnie va Ukrainie.
Amal pałova (48%) ź ich nie byli źviazanyja z armijaj na momant pačatku ŭvarvańnia. U 28% nie ŭdałosia vyznačyć prynaležnaść da taho ci inšaha rodu vojskaŭ, bo ŭ bolšaści vypadku niekrałohi hetych ludziej supravadžajucca fatahrafijami ŭ cyvilnym adzieńni.
Da 70% usich bajavych strat mohuć składać tyja, chto byŭ pryciahnuty ŭ vojska ŭžo paśla pačatku vajny. Pa stanie na kaniec lipienia maksimalnuju kolkaść zahinułych vajskoŭcaŭ z rehijonu nazvali ŭłady i ŚMI Respubliki Baškartastan — 2300.
Bolš za 12% ustanoŭlenych zahinułych — mabilizavanyja (7663 čałavieki), 15% byli dobraachvotnikami (9532) i bolš za 12 tys. zahinułych — byłyja źniavolenyja.
Z pačatku ŭvarvańnia Rasija straciła va Ukrainie 3725 aficeraŭ. 444 ź ich — u zvańni ad padpałkoŭnika i vyšej. Na hety momant ustanoŭlena, što na vajnie zahinuli 2734 vajskoŭcy z pavietrana-desantnych vojskaŭ, 1012 marskich piechacincaŭ, 500 śpiecnazaŭcaŭ HRU, 248 vajskovych piłotaŭ i 86 supracoŭnikaŭ FSB i FSA.
Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień
U Rasii skančvajucca vielizarnyja zapasy savieckaj zbroi. Mahčyma, joj daviadziecca zharnuć nastupalnyja dziejańni
Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam
«Znatnyja kilery ŭžo katajucca pa horadzie». U rasijskim SK raskazali pra pamiłavanych Pucinym zabojcaŭ
Kamientary
Čytajma aficyjnyja ŭkrainskija danyja strat voraha, sabranyja pa standartach NATA:
Na 25.07.2024
Ličnyj sostav — około 571350 čiełoviek (+1230)
Tanki — 8313 (+11)
BBM — 16039 (+26)
Artillerijskije sistiemy — 15804 (+45)
RSZO — 1125
Sriedstva PVO — 904 (+2)
Samolety — 363
Viertolety — 326
BPŁA — 12610 (+66)
Kryłatyje rakiety — 2402
Korabli (katiera) — 28
Podvodnyje łodki — 1
Avtomobili i avtocistierny — 21358 (+79)
Śpiecialnaja tiechnika — 2661 (+11)