«U Hdańsku słabieńkaja kultura». Biełarusy adkryli ŭ hetym horadzie kaljannuju, ale biznes nie pajšoŭ
Biełarusy pradajuć kaljannuju ŭ Hdańsku, jakuju adkryli ŭ 2022 hodzie. Paśla prodažu jany płanujuć viarnucca dadomu. Historyjaj adnaho emihranckaha biznesu padzialiŭsia čytač vydańnia Most, jaki chacieŭ nabyć ustanovu, ale nie paśpieŭ.
Va ŭładalnikaŭ kaljannaj byŭ padobny biznes u Biełarusi, ale jany jaho pradali i pasprabavali adkryć niešta padobnaje ŭ Polščy.
Kaljannaja znachodzicca ŭ centry Hdańska na piešachodnaj vulicy. Płošča bara — 160 mietraŭ. 90% klijentaŭ — vychadcy ź Biełarusi i Ukrainy.
«Ukłali ŭ kaljannuju 130 tysiač dalaraŭ, stolki ž prasili i za prodaž, — raskazvaje čytač Most, jaki zacikaviŭsia abjavaj ab prodažy. — Uładalnik skazaŭ, što biznes u jaho słabieńka pajšoŭ u Polščy ŭ paraŭnańni ź Biełaruśsiu. Piać hadoŭ tamu z takim samym biznesam jany startavali na radzimie. Tady ŭkłali 85 tysiač dalaraŭ».
Za 1,5 hoda pracy bara ŭ Hdańsku adbić svaje hrošy biełarusy nie zdoleli. Abjava pra prodaž kaljannaj była vykładzienaja na polskich sajtach.
«Mianie zacikaviŭ biznes. Ale ŭładalnik skazaŭ, što cikavaść była ŭ mnohich, ale ŭ vyniku vyrašyli pytańnie pa-inšamu. Pryjšli nie pa abjavie i damovilisia pra kuplu. Dakładnuju sumu ździełki nie nazvaŭ».
U razmovie z uładalnikam bara biełarusy paraili inšym nie adkryvać kaljannyja ŭ Hdańsku.
«Skazali, što palaki nie kurać. I kali adkryć kaljannuju ŭ Polščy, to lepš vybirać Varšavu, dzie žyvie šmat vychadcaŭ z krain SND. U Hdańsku słabieńkaja kultura. I pry adkryćci biznesu ŭ hetym horadzie lepš rabić akcent na ježu.
Uładalniki škadujuć, što nie adbili svaje hrošy i stracili 1,5 hoda žyćcia ŭ Polščy. Ale dla ich heta vopyt u pieršuju čarhu. Ciapier jany płanujuć viarnucca ŭ Biełaruś i znoŭ zaniacca tam biznesam».
U Minsku pradajuć pamiaškańnie papularnaha restarana. Cana šalonaja
«Kali chočaš sabie druhuju žonku, to dobra, ale bieź mianie». Biełaruska pierajechała ŭ Polšču i pryniała isłam
«Kupiŭ pieršy fud-trak za $5 tysiač i praz dva miesiacy adbiŭ jaho». Historyja pra toje, jak zarablać na vuličnaj ježy
Pradajecca lehiendarnaja kaljannaja, zasnavanaja Ivanam Muraŭjovym
«Piakielnaje śviata vyjšła. Z achviaraprynašeńniem». Žychary Vałožyna paviedamlajuć pra raspravu nad katami i sabakami8
Kamientary