«Mužčyna — heta muž i čyn!» U Dziarždumie aryhinalna rastłumačyli, čamu šmatdzietnyja baćki pavinny vajavać
Rasijski parłamient adchiliŭ zakonaprajekt ab adterminoŭcy ad mabilizacyi baćkam traich i bolš dziaciej.
Suprać zakonaprajekta, padtrymanaha kamunistami i deputatami ad «Spraviadlivaj Rasii», vystupili adzinarosy, jakich u Dziarždumie bolšaść.
Abhruntavali jany adchileńnie zakonaprajekta tym, što jon «pryviadzie da pamianšeńnia kadravaha reziervu», piša Baza.
Pieršy namieśnik staršyni Kamiteta pa abaronie Andrej Krasaŭ z trybuny zajaviŭ, što mužčyna pavinien u pieršuju čarhu «abaraniać siamju», a ŭžo potym dumać ab tym, jak jaje prakarmić.
«Z čaho składajecca mužčyna? Muž i čyn. Muž — heta voin, abaronca siamji, našaha hramadstva i dziaržavy. A dalej čyn — heta rabotnik, zdabytčyk. Dyk voś, kožny mužčyna pavinien abaraniać siamju, naša hramadstva i našu dziaržavu. A potym užo kłapacicca ab zdabyčy dla svajoj siamji», — zajaviŭ Krasaŭ.
Zhodna sa statystykaj, jakuju pryviała aŭtar zakonaprajekta deputat Nina Astanina, pry častkovaj mabilizacyi adterminoŭku atrymali 256 tysiač ajcišnikaŭ, 170 tysiač bankaŭskich rabotnikaŭ. Pry hetym na froncie znachodziacca 903 šmatdzietnyja baćki (u jakich 3 i bolš dziaciej da 18 hadoŭ) i 100 baćkoŭ dziaciej-invalidaŭ.
Ciapier Astanina płanuje padrychtavać novuju redakcyju zakonaprajekta i vynieści jaje na abmierkavańnie.
Łukašenka pra fłešmob «Nado!»: Ejsmant klałasia, što nie jana arhanizavała, ja joj vieru8
Kamientary