U Mazyry vyraklisia ŭkrainskich nazvaŭ katlet. Byli «Kijeŭskija», stali «Smačnyja z maślicam»
Karystalnica TikTok vykłała videa, u jakim raspaviała, što ŭ firmovych kramach Mazyrskaha dziaržaŭnaha saŭhasa-kambinata źmianili zvykłyja nazvy paŭfabrykataŭ katlet, zaŭvažyŭ «Fłahštok».
— Zabiehła ŭ «Dary ad Zary», usie katlety pierajmienavali. Ciapier «Pałtaŭskija» — heta nie «Pałtaŭskija», «Kijeŭskija» — heta nie «Kijeŭskija», — skazała Taćciana i pakazała ceńniki, na jakich raniejšyja «Pałtaŭskija» katlety nazvanyja «Dalikatnymi», a «Kijeŭskija» — «Smačnymi z maślicam».
Inšyja karystalniki ŭ kamientarach adznačyli, što razam ź pierajmienavańniem trochi padniali košt, źviazali pierajmienavańnie z tym, što «Zara», mahčyma, handluje z Rasijaj, niekatoryja zajavili, što ahułam u firmovych kramach saŭhasa «stała pusta».
«Fłahštok» datelefanavaŭsia ŭ adnu z kramaŭ pradpryjemstva. Tam paćvierdzili, što nazvu katlet źmianili:
«Nie viedaju, čamu. Tydni dva tamu ŭ kiraŭnictvie tak vyrašyli čamuści. Ale sastaŭ całkam zastaŭsia toj ža», — adkazali ŭ kramie.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary