Da siami z pałovaj hadoŭ kałonii atrymali abvinavačanyja ŭ «padrychtoŭcy teraktu» ŭ Dzień Pieramohi, pra što jany nie viedali
Hienprakuratura ahučyła terminy, jakija vynieśli ŭdzielnikam spravy ab «padrychtoŭcy da teraktu ŭ Dzień Pieramohi». Hałoŭnaha fihuranta ŭ spravie, jakoha nazvali arhanizataram teraktu, Valera Vodzina sudzili zavočna. Sud pryznačyŭ jamu 20 hadoŭ kałonii i 24 tysiačy rubloŭ štrafu.
![](http://nashaniva.com/img/w840d4webp1/photos/z_2024_07/ludzi240726-89fnt.jpg.webp)
Jašče čaćviora abvinavačanych, jakija na momant zatrymańnia znachodzilisia ŭ Biełarusi, asudžanyja pa artykule ab zdradzie dziaržavie.
Heta Viktoryja Vołčak, Hanna Savačkina i jaje maci Taćciana Rusak, a taksama Andrej Hryhorjeŭ. Pavodle viersii KDB, jany nibyta ŭdzielničali ŭ padrychtoŭcy teraktu da 9 maja 2023 hoda, dla čaho byccam by atrymlivali z Kijeva pasyłki z vybuchoŭkaj, schavanaj u elektraplitach. Jak pakazana ŭ paviedamleńni Hienprakuratury, jany nie viedali ab «sapraŭdnych złačynnych namierach» arhanizatara «teraktu».
Adnak sud vynies im pakarańnie ad 7 da 7,5 hadoŭ pazbaŭleńnia voli. Adnak kamu jaki kankretna dali termin, nie ŭdakładniajecca.
Prysud jašče nie ŭstupiŭ u zakonnuju siłu i moža być abskardžany.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kamientary