Да сямі з паловай гадоў калоніі атрымалі абвінавачаныя ў «падрыхтоўцы тэракту» ў Дзень Перамогі, пра што яны не ведалі
Генпракуратура агучыла тэрміны, якія вынеслі ўдзельнікам справы аб «падрыхтоўцы да тэракту ў Дзень Перамогі». Галоўнага фігуранта ў справе, якога назвалі арганізатарам тэракту, Валера Водзіна судзілі завочна. Суд прызначыў яму 20 гадоў калоніі і 24 тысячы рублёў штрафу.
Яшчэ чацвёра абвінавачаных, якія на момант затрымання знаходзіліся ў Беларусі, асуджаныя па артыкуле аб здрадзе дзяржаве.
Гэта Вікторыя Волчак, Ганна Савачкіна і яе маці Таццяна Русак, а таксама Андрэй Грыгор'еў. Паводле версіі КДБ, яны нібыта ўдзельнічалі ў падрыхтоўцы тэракту да 9 мая 2023 года, для чаго быццам бы атрымлівалі з Кіева пасылкі з выбухоўкай, схаванай у электраплітах. Як паказана ў паведамленні Генпракуратуры, яны не ведалі аб «сапраўдных злачынных намерах» арганізатара «тэракту».
Аднак суд вынес ім пакаранне ад 7 да 7,5 гадоў пазбаўлення волі. Аднак каму які канкрэтна далі тэрмін, не ўдакладняецца.
Прысуд яшчэ не ўступіў у законную сілу і можа быць абскарджаны.
Каментары