Šturm Ciotkina, bai za vioski vakoł Koranieva i na podstupach da Hirjaŭ. Što viadoma pra situacyju ŭ Kurskaj vobłaści na 13 žniŭnia
Ukrainskija vojski pad Kurskam praciahvajuć nastupać, ale temp źniziŭsia.
![](http://nashaniva.com/img/w840d4webp1/photos/z_2024_08/-2lymt.jpg.webp)
Z-vajenkar Juryja Padalaka apisvaje situacyju ŭ Kurskaj vobłaści stanam na 22 hadziny 13 žniŭnia. Jon piša, što ŭ vobłaści ciapier «areli» — niedzie rasijanie likvidujuć nastupstvy praryvaŭ DRH praciŭnika, dzieści zajšli novyja DRH.
«Naprykład, ceły dzień my adnaŭlali kantrol nad učastkam, dzie praciŭnik učora sprabavaŭ prarvać našu abaronu ŭ kirunku da n.p. Hirji. I da viečara praciŭnika tam nie zastałosia. Ale naŭzamien novyja jaho DRH zajšli na poŭdzień i da viečara sprabujuć zamacavacca ŭ rajonie n.p. Spalnaje», — piša vajenkar.
Padalaka prahnazuje, što zaŭtra USU pasprabujuć vycisnuć rasijan z n.p. Borki, kab sfarmavać zručny płacdarm dla napadaŭ u rajonie n.p. Hirji, dzie im treba ŭziać pad svoj kantrol stratehičny most praz raku Psioł.
Rasijanie ž buduć sprabavać viarnuć kantrol nad Spalnym, kab adnavić status-kvo.
Vajenkar adznačaje, što USU pastupova «asvojvajuć» Sudžu i rychtujuć horad u jakaści svajoj bazy i zručnaha farposta dla dalejšych udaraŭ.
Inšy kanał, «Archanhieł śpiecnaza», paviedamlaje pra mocny abstreł pasiołka Ciotkina na miažy ŭ Hłuškoŭskim rajonie.
Ukraina za tydzień zachapiła takuju ž płošču Kurskaj vobłaści, jakuju Rasija zachapiła va Ukrainie z pačatku hoda
Pad kantrol Ukrainy pierajšli 74 nasielenyja punkty Kurskaj vobłaści — Syrski
Z pamiežnaha Krasnajaružskaha rajona Biełharadskaj vobłaści vyjechała amal usio nasielnictva
Ukrainskija vojski prasoŭvajucca ŭ kirunkach Kurska, Lhova i Rylska adnačasova — vajenkary
Kamientary