U Rasii nastaŭnica patrabavała ŭ vučnia śpiermu, kab naradzić. Jana pieraśledavała jaho šeść hadoŭ
Piedahoh zakidvała chłopca paviedamleńniami z fejkavych akaŭntaŭ. Aktyvizavałasia jana, kali vučniu spoŭniłasia 17 hadoŭ.
Nastaŭnica matematyki patrabavała ad byłoha vučnia śpiermu dla začaćcia dziciaci i zajaŭlała, što ŭ jaje da jaho «płataničnaje kachańnie».
Piedahoh viała ŭ chłopca matematyku ŭ 6-m kłasie ŭ škole ŭ Leninhradskaj vobłaści. Adnojčy vučań pastaviŭ łajk na videa z nastaŭnicaj – i taja vyrašyła, što jon u jaje zakachany, piša Shot.
Z tych časoŭ piedahoh stała časta pisać chłopcu ŭ sacsietkach — dasyłała paštoŭki i cikaviłasia zdaroŭjem. Praź niekatory čas siamja pierajechała ŭ Sankt-Pieciarburh, i chłopčyka pieraviali ŭ inšuju škołu. Ale nastaŭnica praciahnuła pisać užo byłomu vučniu.
Kali jon pierajšoŭ u 9-y kłas, 45-hadovaja žančyna zajaviła, što choča ad jaho dzicia. Jaje vabiła, što chłopiec małady, vysoki i hulaje ŭ chakiej.
Nastaŭnica pačała pisać vučniu dziŭnyja paviedamleńni. U adnym jana śćviardžała, što pakolki jana va ŭzroście, dla donarstva śpiermy joj patrebny čałaviek maładziejšy, a da jaho jana adčuvaje «płataničnyja pačućci» i ŭpeŭnienaja, što małoje narodzicca z vydatnymi hienami.
Zatym piedahoh pajšła jašče dalej — jana skinuła chłopcu hrafik začaćcia i damovu na donarstva śpiermy, jakuju prapanavała padpisać, kali chłopcu spoŭnicca 18 hadoŭ.
«Ty razumny, pryhožy, spraviadlivy, upeŭnieny ŭ sabie, ty vyras dobrym čałaviekam dziakujučy svajmu tatu i mamie. U ciabie ćviordy charaktar, vydatnaja maci, ty na jaje padobny. Tak atrymałasia, što apynuŭsia ŭ maim sercy i možaš dapamahčy mnie zdabyć siamju ŭ vyhladzie dziciaci. Ja budu maci-adzinočkaj, ale mianie heta nie pałochaje. Ja ŭžo davoli doŭha adna. A ty znojdzieš sabie cudoŭnuju dziaŭčynu dla žyćcia», — pisała nastaŭnica.
Školnik spačatku adkazvaŭ vietliva, ale potym adpraviŭ piedahoha ŭ čorny śpis. Nastaŭnica nie zdałasia i stała pisać chłopcu z fejkavych akaŭntaŭ pad vyhladam školnic.
Adnak jana prakałołasia, kali pavinšavała vučnia z Dniom kavuna i jašče paračkaj dziŭnych śviat. Akramia taho, jana pačała atakavać vinšavalnymi paštoŭkami i baćkoŭ chłopca.
Nieŭzabavie nastaŭnica źjaviłasia na parozie doma chłopca. Tady jahonyja baćki vyrašyli źviarnucca ŭ palicyju. Śledčyja vyrašajuć pytańnie ab uzbudžeńni kryminalnaj spravy pa artykule «Raspusnyja dziejańni».
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie5
Kamientary
A ciabie, luby čytače, ja ŬŽO pacałavała.