U sacsietkach zastajecca ŭsio mienš katalickich śviataroŭ. Ich prosiać vydalicca biskupy
Pavodle nazirańniaŭ sajta Katolik.life, aktyŭnaść i ŭvohule prysutnaść katalickich śviataroŭ u sacsietkach robicca ŭsio mienšaj. Jak daviedałasia vydańnie, u niekatorych vypadkach śviatary vydalajuć svaje akaŭnty pa prośbie biskupaŭ.
Havorka idzie pra tych śviataroŭ, jakich zatrymlivali i sudzili za nibyta «zachoŭvańnie ekstremisckaj pradukcyi» — majecca na ŭvazie padpiska na staronki niezaležnych miedyja.
Tak zdaryłasia i z adnym sa śviataroŭ, jaki raniej byŭ aktyŭnym u sacsietkach, a ciapier vydaliŭ akaŭnt — paśla niadaŭniaha suda. Pa infarmacyi viernikaŭ, probašču parafii patelefanavali ź milicyi pierad pačatkam śviatoj imšy, spytali pra jahonaje miescaznachodžańnie i nieŭzabavie pryjechali dy zatrymali. Słužbu daviałosia admianić.
Pry hetym, jak havorać vierniki, śviatar nie prajaŭlaŭ nijakaj novaj aktyŭnaści ŭ sacsietcy: nie raźmiaščaŭ spasyłak na «ekstremisckija» resursy, nie kamientavaŭ i nie łajkaŭ ich. Ale jaho abvinavacili ŭ najaŭnaści padpisak, zroblenych niekalki hadoŭ tamu, pra jakija śviatar navat nie pamiataŭ.
U takich umovach, kali nieviadoma, što jašče mohuć znajści ŭ akaŭncie z daŭno minułych hadoŭ i paličyć heta pravaparušeńniem, śviatary pa prośbie biskupaŭ vydalajuć svaje ŭlikovyja zapisy.
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie1
Adzina pravilnaja taktyka dla biełarusaŭ padčas ciapierašnich «vybaraŭ» — bierahčy siabie
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary