Намесніка начальніка БЧ Сяргея Сізіна звольнілі за парушэнне карупцыйнага заканадаўства
Адпаведная пастанова была апублікаваная на Нацыянальным прававым партале.
Намесніка начальніка БЧ Сяргея Cізіна звольнілі за парушэнне пісьмовага абавязацельства, прадугледжанага заканадаўствам аб барацьбе з карупцыяй. Адпаведная пастанова была апублікаваная на Нацыянальным прававым партале.
«Вызваліць Сізіна Сяргея Фёдаравіча ад пасады намесніка Начальніка дзяржаўнага аб’яднання «Беларуская чыгунка» ў сувязі з парушэннем работнікам пісьмовага абавязацельства, прадугледжанага заканадаўствам аб барацьбе з карупцыяй», гаворыцца ў пастанове.
31 ліпеня стала вядома пра затрыманне намесніка начальніка БЧ Сяргея Сізіна, а таксама галоўнага інжынера Беларускай чыгункі Сяргея Навадворскага.
Абодва названыя кіраўнікі БЧ з'яўляюцца «выхадцамі» з Віцебскага аддзялення Беларускай чыгункі (НОД-6).
Сяргей Сізін быў намеснікам начальніка БЧ з 2017 года, на гэтай пасадзе ён курыраваў дзейнасць пуцявой гаспадаркі, гаспадарак сігналізацыі і сувязі, электрыфікацыі і электразабеспячэння.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары