Maršruty staličnaha transpartu časova źmieniacca na praśpiekcie Niezaležnaści na vychodnych
Razmova pra ŭčastak praśpiekta ad vulicy Enhielsa da vulicy Janki Kupały, uklučajučy skryžavańnie, dzie 17 žniŭnia buduć pravodzicca ramontnyja raboty.
![](http://nashaniva.com/img/w840d4webp1/photos/stock/_bun_nn_20200414-6725-p2l32.jpg.webp)
Z 14:00 17 žniŭnia i da 05:00 18 žniŭnia aŭtobus №100 ad płoščy Niezaležnaści budzie ruchacca pa vulicach Śviardłova, Uljanaŭskaj, Pieršamajskaj, Źmitraka Biaduli, Kazłova, praśpiekcie Niezaležnaści i dalej pa maršrucie. U zvarotnym kirunku jon budzie jechać pa praśpiekcie Niezaležnaści, vulicach Zacharava, Pieršamajskaj, Uljanaŭskaj, Śviardłova, praśpiekcie Niezaležnaści i dalej pa zvykłym maršrucie.
Aŭtobus №57 u hety dzień budzie jeździć pa vulicach Pulichava, Pieršamajskaj, Uljanaŭskaj, Babrujskaj, Kłary Cetkin, praśpiekcie Dziaržynskaha i dalej pa maršrucie ŭ abodvuch napramkach.
Ruch aŭtobusa №115E ad płoščy Niezaležnaści budzie arhanizavany pa vulicach Śviardłova, Uljanaŭskaj, Pieršamajskaj, Źmitraka Biaduli, Kazłova, praśpiekcie Niezaležnaści i dalej pa maršrucie, u zvarotnym kirunku — pa praśpiekcie Niezaležnaści, vulicach Zacharava, Pieršamajskaj, Uljanaŭskaj, Śviardłova, praśpiekcie Niezaležnaści, Babrujskaj. Hety aŭtobus nie budzie ažyćciaŭlać pasadku i vysadku pasažyraŭ na źmienienym učastku ŭ abodvuch napramkach.
Kamientary