Rasija pačała infarmacyjnuju ataku, abvinavačvajučy Ukrainu ŭ namiery ŭdaryć pa AES
Uviečary 16 žniŭnia pa rasijskich prapahandysckich infarmahienctvach pačała pašyracca infarmacyja, što Ukraina, maŭlaŭ, najbližejšym časam źbirajecca nanieści ŭdar pa Zaparožskaj abo Kurskaj AES, kab abvinavacić u hetym Rasiju.
Pieršym pra heta napisała «RIA Novosti», sa spasyłkaj na «rasijskaje siłavoje viedamstva» śćviardžajučy, što ataku nibyta kuryrujuć zachodnija śpiecsłužby, a ŭ Sumy i Zaparožža dla jaje infarmacyjnaha zabieśpiačeńnia, maŭlaŭ, źjechałasia vialikaja kolkaść zachodnich žurnalistaŭ.
Taksama sa spasyłkaj na vajenkara Marata Chajrulina prapahandysckaje ahienctva napisała, što USU, maŭlaŭ, rychtuje vybuch brudnaj jadziernaj bomby, a ŭdary płanujucca pa miescach zachoŭvańnia adpracavanaha paliva AES. Śpiecbojehałoŭki ŭžo nibyta pryvieźli ŭ horad Žoŭtyja Vody Dnieprapiatroŭskaj vobłaści.
Va Ukrainie heta aceńvajuć jak mahčymuju padrychtoŭku Maskvy da jadziernaj pravakacyi z metaj abvinavačvańnia va ŭsim Ukrainy. Pra heta, u pryvatnaści zajaviŭ dyrektar Centra supraćdziejańnia dezynfarmacyi pry Radzie nacyjanalnaj biaśpieki i abarony Ukrainy Andrej Kavalenka.
Vyhladaje hetaja, vidavočna, skaardynavanaja kampanija padazrona — niby Rasija rychtuje hlebu dla čahości. Praŭda, anałahičnyja kampanii raniej ničym nie kančalisia. Jany słužyli tolki dla nakručvańnia hradusa rasijskaha hramadstva.
Ź‘iaviłasia VIDEA źniščeńnia masta ŭ Kurskaj vobłaści
Ukrainskija vojski prasunulisia ŭ Kurskaj vobłaści jašče na 1-3 km — Syrski
U Sudžy na Kurščynie źnieśli pomnik Leninu FOTAFAKT
USU ŭzarvali adzin z troch mastoŭ cieraz raku Siejm u Kurskaj vobłaści, adrazajučy rasijskija vojski
Rasija, imavierna, pierakinuła ŭ Kurskuju vobłaść niekalki tysiač vajskoŭcaŭ z Ukrainy — CNN
Kamientary
Centru Dezyinfarmacyi pry Dumie