Vyjšła ŭradavaja pastanova, jakaja krychu karektuje niuansy ŭliku hramadzianskich bieśpiłotnikaŭ. Jana apublikavanaja na Nacyjanalnym pravavym partale.
Za pastanoŭku bieśpiłotnika na ŭlik adkazvaje Departamient pa avijacyi. Prajści ŭsiu praceduru možna biaspłatna. Departamient razhledzić zajavu ab pastanoŭcy na ŭlik i paviedamić pra rašeńnie na praciahu piatnaccaci dzion.
Zajavu ab pastanoŭcy na ŭlik mohuć nie pryniać, kali padadzienyja niapoŭnyja abo niedakładnyja źviestki ci niesapraŭdnyja dakumienty.
Stavić na dziaržulik u Biełarusi nie treba tyja bieśpiłotniki, jakija ŭžo znachodziacca na dziaržuliku ŭ inšaj krainie ci prajšli padobnuju praceduru.
Admović u pastanoŭcy na ŭlik mohuć, kali bieśpiłotnik nie adpaviadaje mižnarodnym standartam, a taksama ŭ tym vypadku, kali pra čałavieka, jaki choča pastavić dron na ŭlik, jość źviestki, što jon učyniŭ dziejańni, jakija stvarajuć pahrozu nacbiaśpiecy.
Zdymać hramadzianskija bieśpiłotniki ź dziaržaŭnaha ŭliku taksama budzie Departamient pa avijacyi. Płacić za heta nie pryjdziecca.
Letaś u Biełarusi byŭ padpisany ŭkaz «Ab dziaržaŭnym uliku i ekspłuatacyi hramadzianskich bieśpiłotnych latalnych aparataŭ». U dakumiencie skazana, što fizičnyja asoby nie mohuć uvozić u Biełaruś, vykarystoŭvać, vyrablać i zachoŭvać tut bieśpiłotniki.
Kamientary