Načalnik Baranavickaha DAI prysabiečvaŭ sabie štrafy parušalnikaŭ
Za złoŭžyvańnie słužbovymi paŭnamoctvami asudžany były načalnik DAI Baranavickaha RAUS.
Jak paviedamiła staršy pamočnik prakurora Bresckaj vobłaści Volha Dźmitruk, sudom Baranavickaha rajona i horada Baranavičy major milicyi pryznany vinavatym u tym, što, nakładvajučy štrafy za parušeńni pravił darožnaha ruchu i asabista atrymlivajučy hrašovyja srodki ad parušalnikaŭ, častku ź ich prysvoiŭ.
Jon unosiŭ u kvitancyi niapravilnyja źviestki pra sumy spahnanych štrafaŭ, istotna zanižajučy ich. Usiaho było vyjaŭlena kala 30 takich epizodaŭ. Ahulnaja suma prysvojenych srodkaŭ skłała 1 młn. 95 tys. rubloŭ.
Pavodle słoŭ Dźmitruk, dziejańni majora milicyi kvalifikavany sudom pa č. 2 art. 424 Kryminalnaha kodeksa (złoŭžyvańnie ŭładaj ci słužbovymi paŭnamoctvami). Jamu pryznačana pakarańnie ŭ vyhladzie dvuch hadoŭ šaści miesiacaŭ pazbaŭleńnia voli z pazbaŭleńniem prava zajmać pasady ŭ orhanach unutranych spraŭ terminam na try hady i štraf u 35 bazavych vieličyń (1 młn. 225 tys. rubloŭ).
Jak adznačyła Dźmitruk, z ulikam taho, što były supracoŭnik orhanaŭ unutranych spraŭ pryznaŭ vinu,
raskajaŭsia
va ŭčynieńni złačynstva suprać intaresaŭ słužby i padčas papiaredniaha rasśledavańnia całkam viarnuŭ pryčynieny ŭron, sudom
prymieniena adterminoŭka vykanańnia pryhavoru terminam na dva hady.
Asudžany nie abskardziŭ vyniesieny jamu 28 studzienia 2010 hoda prysud. Praz 10 dzion prysud nabyŭ zakonnuju moc.
Papiaredniaje rasśledavańnie pa spravie praviała prakuratura Baranavickaha rajona.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary