Ź Minska na dapamohu nakiravałasia śpiecyjalnaja bryhada.
Minzdaroŭja apublikavała śpiecyjalny reliz nakont stanu pacyjentaŭ, jakija paciarpieli ŭ DTZ u Pružanskim rajonie siońnia ranicaj.
Nahadajem, što kiroŭca aŭtamabila Mercedes, ruchajučysia pa druharadnaj darozie, nie sastupiŭ darohu i sutyknuŭsia z aŭtobusam MAZ, jaki ruchaŭsia pa hałoŭnaj darozie. Ad udaru aŭtobus pierakuliŭsia. U sałonie znachodzilisia 12 čałaviek. Zahinuli try čałavieki, u tym liku kiroŭca aŭtamabila dva pasažyry aŭtobusa.
U Pružanskuju centralnuju rajonnuju balnicu dastavili 10 paciarpiełych. Usie jany byli ahledžany profilnymi śpiecyjalistami rajonnaha i abłasnoha ŭzroŭniaŭ.
Paśla acenki stanu traich paciarpiełych pieraviali aŭtamabilami-reanimabilami ŭ Bresckuju abłasnuju kliničnuju balnicu. Pacyjenty špitalizavanyja ŭ adździaleńnie aniestezijałohii i reanimacyi. Dla praviadzieńnia respublikanskaha kansiliumu i akazańnia dapamohi kaleham u balnicu vyjechała bryhada daktaroŭ-śpiecyjalistaŭ RNPC.
U traŭmatałahičnym adździaleńni Pružanskaj centralnaj rajonnaj balnicy z traŭmami roznaj łakalizacyi praciahvajuć lačeńnie siem paciarpiełych, stan jakich acenieny jak siaredniaj stupieni ciažkaści.
Kamientary