U ES užo šeść hadoŭ chočuć admianić pieravod hadzińnikaŭ. Ale voś čamu sprava nie ruchajecca
Jeŭrapiejskaja kamisija prapanavała pakłaści kaniec pieravodu hadzińnikaŭ jašče šeść hadoŭ tamu. Adnak u niadzielu, 27 kastryčnika, krainy Jeŭrapiejskaha sajuza znoŭ razam pierajšli na zimovy čas.
Jeŭrapiejskaja kamisija prapanavała spynić pieravodzić strełki hadzińnikaŭ u Jeŭrasajuzie jašče ŭ 2018 hodzie na patrabavańni krain ES. Adnak paźniej pytańnie heta vypała sa śpisu pryjarytetaŭ: krainy sutyknulisia z pandemijaj karanavirusa, vajnoj Rasii va Ukrainie i enierhietyčnym kryzisam, piša LRT.
Dziela funkcyjanavańnia ŭnutranaha rynku krainam ES davodzicca prymać rašeńnie ab admienie pieravodu hadzin sumiesna.
Rašeńnie ab pastajannym pierachodzie na letni ci zimovy čas pavinna prymacca kožnaj dziaržavaj ES. Adnak heta rekamiendujecca rabić skaardynavana.
U toj čas jak Estonija, Łatvija i Litva chacieli b zastavacca ŭ letnim časie, Finlandyja, jakaja znachodzicca ŭ tym ža časavym pojasie, što i našy krainy, vykazała žadańnie stała zastavacca ŭ zimovym časie.
Adnak u apošnija hady hetaje pytańnie aktyŭna nie abmiarkoŭvali.
«U tych, chto byŭ u Minsku ŭ 2020-m, zusim inšaje mierkavańnie». Siastra Kaleśnikavaj adkazała Paźniaku15
Kamientary