Tyktokiery šalejuć ad ahurkovaj sałaty — što adbyvajecca?
U tyktoku dziŭny trend na ahurki: videa z tym, jak ich režuć u roznyja sałaty, nabirajuć miljony prahladaŭ. Što ŭ ich asablivaha?
![](http://nashaniva.com/img/w840d4webp1/photos/z_2024_08/imgonline-com-ua-2to1-69p3akbtip2oa-2-vzpi4.jpg.webp)
Usio pačałosia z Łohana Mofita, 23-hadovaha kanadca, jaki hetym letam skaryŭ tyktok svaimi ahurkovymi videa, a raniej byŭ viadomy rolikami pra karejskuju ježu. Na siońnia ŭ Łohana amal 5,5 miljona padpisantaŭ.
Vyhladaje, što kanadziec — fanat ahurkoŭ u lubym vyhladzie: jon pryznavaŭsia, što źjadaje dva-try ahurki štodzień. Ale jon prapanuje i šmat receptaŭ z ahurkoŭ, zbolšaha heta sałaty. Naprykład, u hetym roliku chłopiec abjadnaŭ ahurok i arachisavuju pastu, chacia i nie biez dapamohi sousaŭ i prypravaŭ:
I swear anything is good on cucumber
A heta ahurkovaja sałata pa matyvach papularnych sušy «Kalifornija»:
Another new cucumber recipe alert
Časam, adnak, Łohan zdradžvaje ahurkam. Voś, naprykład, videa pra toje, jak jon zalivaje ŭsimi mahčymymi sousami cybulinu i z apietytam jaje źjadaje:
Eating an entire onion >>>
Chłopiec dobra manietyzavaŭ svoj pośpiech. Akramia rekłamy ŭ błohu, jon pradaje na internet-placoŭcy Amazon pryłady, identyčnyja tym, jakija jon vykarystoŭvaje dla svajoj kuchonnaj aktyŭnaści: da prykładu, heta kantejniery dla ježy, mietaličnyja pałački, tarki, rondali i łyžki. A jašče krem dla skury, sol i prypravy — i heta daloka nie ŭvieś śpis.
Nie dziva, kali chutka jamu daviadziecca tak pradavać i sami ahurki. Pad adnym ź videa Łohana my znajšli kamientar sa skarhaj, što karystalnik nie moža zrabić ahurkovuju sałatu, bo ŭ jaho miascovaj kramie prosta raskupili ŭsie ahurki — chacia, zdajecca, jak moža skončycca takaja prostaja i tannaja harodnina?
Bahata tyktokieraŭ padchapili papularny trend i zdymajuć svaje viersii ahurkovych sałataŭ. Šmat chto ź ich paŭtaraje styl Łohana — vykarystoŭvaje doŭhija ahurki (ich pravilnaja nazva — anhlijskija) i vysokija vuzkija charčovyja kantejniery.
Ahulnaja łohika takaja: treba nacierci ŭ taki kantejnier ahurok i dadać lubyja inhredyjenty, jakija pryjduć u hałavu: jak kazaŭ Łohan u adnym z rolikaŭ, z ahurkom usio što zaŭhodna budzie smačnym. Dalej tyktokiery palivajuć hetuju sumieś kietčupam, harčycaj, sojevym sousam i ščodra pasypajuć prypravami. I ŭ kancy z apietytam źjadajuć.
Voś hety rolik z takim prostym siužetam nabraŭ za niekalki dzion bolš za 10 miljonaŭ prahladaŭ:
Niekatoryja błohiery vyrašajuć paekśpierymientavać z formaj ci samim receptam. Kali niama kantejniera, heta nie pryčyna admaŭlacca ad papularnaj sałaty — možna skarystacca zvyčajnaj miskaj.
I navošta kramsać ahurok u kantejnier, kali možna zrabić ahurkovyja śpiralki i pasypać ich prypravami? Hladzicie sami:
Nie dla ŭsich, adnak, zachapleńniem trendam akazałasia biaśpiečnym. Tyktokiery robiać svaju ahurkovuju sałatu z dapamohaj tarki-šynkoŭki, i kali zaziavacca, možna traŭmavać svaje palcy.
Adzin z tyktokieraŭ tak pazbaviŭsia častki paznohcia razam z tkankami palca — ale papiaredžvaje, što prablema ŭ tarkach, i nie treba vinavacić ahurki:
«Naša Niva» — bastyjon biełaruščyny
PADTRYMAĆ
Kamientary