U Asipovičach z punkta vydačy zakazaŭ skrali ceły siejf z hrašyma
Złodziej zrabiŭ usio, kab jaho nie identyfikavali, ale pakinuŭ ślady.
![](http://nashaniva.com/img/w840d4webp1/photos/z_2024_08/1-yhvtu.jpg.webp)
U kancy lipienia rabotniki punkta vydačy zakazaŭ markietplejsa vyjavili, što z budynka źnik ceły siejf — unutry lažali 12 tysiač rubloŭ.
Akazałasia, złodziej, jaki chavaŭ svoj tvar pad šapkaj i šalikam, prakraŭsia ŭ punkt vydačy, adcisnuŭšy akno. Zatym jon vyrvaŭ stalnicu, vyciahnuŭ siejf, jaki znachodziŭsia pad joj, pahruziŭ jaho ŭ aŭtamabil i źjechaŭ, paviedamili sudekśpierty.
Śpiecyjalisty na miescy znajšli ślady abutku, pryłady ŭzłomu i inšyja navodki. Pa ich padazravanaha i zatrymali. Im akazaŭsia 41-hadovy raniej sudzimy mužčyna.
Jon pryznaŭsia, što skraŭ siejf, a taksama pakazaŭ miesca na bierazie raki, dzie jon jaho vykinuŭ. Doma ŭ mužčyny znajšli pryładu złačynstva, a taksama abutak, śled ad jakoj jon pakinuŭ na miescy kradziažu.
Kamientary