Rufiery zaleźli na šmatpaviarchovik u Minsku i źniali na videa navalnicu. Zaraz ich budzie šukać milicyja
Dźviery na dach ekstremały nie ŭzłomvali, ale čynoŭniki zajaŭlajuć, što tyja parušyli zakon.
Ekstremały ŭ noč na 22 žniŭnia zabralisia na dach šmatpaviarchovika ŭ Minsku, kab źniać na videa pryhožuju navalnicu. Rolik aŭtary apublikavali ŭ sacsietkach, jon raspaŭsiudziŭsia ŭ tyktoku.
Čynoŭniki miarkujuć, što aŭtary videa parušyli zakon. Jany pranikli na dach, uvachod na jaki byŭ zakryty. Ustanoŭlena, što videa zdymali z dachu doma na Surhanava, 88.
Ciapier, jak raspaviali «Minsk-Navinam» u administracyi Savieckaha rajona, rufieraŭ budzie šukać milicyja.
«Kali tudy pryjechali śpiecyjalisty, uvachod byŭ zakryty na zamok, a ślady ŭzłomu adsutničali. Jość imaviernaść, što chtości zmoh padabrać kluč. Tradycyjna ŭ takich vypadkach zamok mianiajecca i padajecca zajava ŭ milicyju, što i zrobić staršynia tavarystva ŭłaśnikaŭ hetaha doma», — raspaviali ŭ administracyi.
DziaržSMI pišuć, što za praniknieńnie na dach z uzłomam moža pahražać kryminalnaja sprava pa art.218 KK RB «naŭmysnyja źniščeńnie albo paškodžańnie majomaści».
Sankcyja praduhledžvaje ad hramadskich rabot da 12 hadoŭ kałonii.
Hrodna staić na vušach paśla pryznańnia papularnaha haradskoha sajta «ekstremisckim». Ale na hetym nie skončyłasia33
Kamientary
Ale za čyrvona zialonaje jany zarobiać pa samaje... )