Руферы залезлі на шматпавярховік у Мінску і знялі на відэа навальніцу. Зараз іх будзе шукаць міліцыя
Дзверы на дах экстрэмалы не ўзломвалі, але чыноўнікі заяўляюць, што тыя парушылі закон.
Экстрэмалы ў ноч на 22 жніўня забраліся на дах шматпавярховіка ў Мінску, каб зняць на відэа прыгожую навальніцу. Ролік аўтары апублікавалі ў сацсетках, ён распаўсюдзіўся ў тыктоку.
Чыноўнікі мяркуюць, што аўтары відэа парушылі закон. Яны праніклі на дах, уваход на які быў закрыты. Устаноўлена, што відэа здымалі з даху дома на Сурганава, 88.
Цяпер, як распавялі «Мінск-Навінам» у адміністрацыі Савецкага раёна, руфераў будзе шукаць міліцыя.
«Калі туды прыехалі спецыялісты, уваход быў закрыты на замок, а сляды ўзлому адсутнічалі. Ёсць імавернасць, што хтосьці змог падабраць ключ. Традыцыйна ў такіх выпадках замок мяняецца і падаецца заява ў міліцыю, што і зробіць старшыня таварыства ўласнікаў гэтага дома», — распавялі ў адміністрацыі.
ДзяржСМІ пішуць, што за пранікненне на дах з узломам можа пагражаць крымінальная справа па арт.218 КК РБ «наўмысныя знішчэнне альбо пашкоджанне маёмасці».
Санкцыя прадугледжвае ад грамадскіх работ да 12 гадоў калоніі.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3232
Каментары
Але за чырвона зялёнае яны заробяць па самае... )