Na zdaroŭi, jak kažuć znajomyja, niehatyŭna adbiłasia situacyja ŭ krainie.
U adnoj z balnic Pinska pamierła pravaabaronca Vieranika Ivanova, paviedamili «Pozirku» jaje znajomyja.
Pryčyna śmierci nieviadomaja. Pavodle źviestak, atrymanych vydańniem, u apošni čas zdaroŭje ŭ pravaabaroncy pahoršyłasia, jana chvareła i nieadnarazova traplała ŭ špital.
«Na heta, biezumoŭna, paŭpłyvaŭ i stres, źviazany ź siońniašniaj situacyjaj u krainie», — adznačyŭ subiasiednik vydańnia.
Vieranika Ivanova — pravaabaronca, jurystka, lidarka Pinskaj rehijanalnaj arhanizacyi Biełaruskaj sacyjał-demakratyčnaj partyi (Hramada). Maci traich dziaciej.
U 2020 hodzie akazvała pravavuju dapamohu ŭdzielnikam akcyj pratestu ŭ Pinsku, kansultavała, pisała skarhi. Nieadnarazova zatrymlivałasia i była asudžana pa artykule 23.34 KaAP za «ŭdzieł u niesankcyjanavanych masavych mierapryjemstvach».
Kamientary