На здароўі, як кажуць знаёмыя, негатыўна адбілася сітуацыя ў краіне.
У адной з бальніц Пінска памерла праваабаронца Вераніка Іванова, паведамілі «Позірку» яе знаёмыя.
Прычына смерці невядомая. Паводле звестак, атрыманых выданнем, у апошні час здароўе ў праваабаронцы пагоршылася, яна хварэла і неаднаразова трапляла ў шпіталь.
«На гэта, безумоўна, паўплываў і стрэс, звязаны з сённяшняй сітуацыяй у краіне», — адзначыў субяседнік выдання.
Вераніка Іванова — праваабаронца, юрыстка, лідарка Пінскай рэгіянальнай арганізацыі Беларускай сацыял-дэмакратычнай партыі (Грамада). Маці траіх дзяцей.
У 2020 годзе аказвала прававую дапамогу ўдзельнікам акцый пратэсту ў Пінску, кансультавала, пісала скаргі. Неаднаразова затрымлівалася і была асуджана па артыкуле 23.34 КаАП за «ўдзел у несанкцыянаваных масавых мерапрыемствах».
-
«У справе дзве пасылкі — Змітру Дашкевічу і Святаславу Удоду» — жанчына, якая з'ехала з Беларусі
-
Ціханоўская абмеркавала з намеснікам дзяржсакратара ЗША намаганні па вызваленні палітвязняў
-
«Неверагодна, што дзяржТБ можа так адкрыта хлусіць». Чалавек, якога БТ назвала куратарам японскага шпіёна, пракаментаваў сітуацыю
Каментары