MZS Polščy: Sankcyi ŭ dačynieńni da biełaruskich čynoŭnikaŭ pakul nie ŭvajšli ŭ siłu.
Sankcyi ŭ adnosinach da biełaruskich čynoŭnikaŭ, jakija majuć dačynieńnie da parušeńnia pravoŭ polskaj mienšaści ŭ Biełarusi, pakul nie ŭvajšli ŭ siłu. Pra heta zajaviŭ pres‑sakratar MZS Polščy Piotr Paškoŭski.
Jon paviedamiŭ, što śpis biełaruskich čynoŭnikaŭ, jakim budzie zabaronieny ŭjezd na terytoryju Polščy, pakul tolki rychtujecca.
»Śpisu jašče niama. Nakolki ja vałodaju situacyjaj, jon ciapier prapracoŭvajecca. Jak tolki budzie pryniata kančatkovaje rašeńnie, my abviaścim imiony, uklučanyja ŭ hety śpis», — skazaŭ Paškoŭski.
Napiaredadni šerah polskich ŚMI sa spasyłkaj na kiraŭnika MZS Polščy Radasłava Sikorskaha paviedamili, što rašeńnie polskich uładaŭ, jakoje zabaraniaje ŭjezd u krainu biełaruskim čynoŭnikam, nabudzie moc 16 lutaha.
«Adbyłasia niekatoryja błytanina.
Ad taho što dramatyčnyja padziei raźvivalisia vielmi chutka apošnimi dniami, niekatoryja paviedamleńni ŭ ŚMI nie byli na 100% dakładnymi», — skazaŭ Paškoŭski.
Padrychtoŭkaj śpisu zajmajecca polskaje MZS, zaraz viaducca kansultacyi. «Jość peŭnyja pracedury, jakija pavinny być vykanany,
tamu mnie ciažka nazvać dakładnuju datu, kali śpis budzie hatovy»,
— adznačyŭ pres‑sakratar MZS.
Jak paviedamlałasia raniej, 15 lutaha ŭ roznych haradach Biełarusi byli zatrymanyja aktyvisty i kiraŭnictva niepryznavanaha ŭładami Sajuza palakaŭ na Biełarusi (SPB) na čale z Anžalikaj Borys.
Borys aštrafavana na 30 bazavych vieličyń (1 młn. 50 tys. rubloŭ), pradstaŭniki kiraŭnictva Andžej Pačobut, Ihar Bancar i Miečysłaŭ Jaskievič asudžany na piać sutak aryštu za arhanizacyju 10 lutaha ŭ Hrodnie niesankcyjanavanaha mitynhu ŭ padtrymku Ivianieckaj arhanizacyi SPB.
Lider Ivianieckaj arhanizacyi Taresa Sobal abvinavačvajecca ŭ zachopie miascovaha Doma polskaha, najbližejšym časam nad joju adbudziecca sud. Isk padaŭ staršynia aficyjna zarehistravanaha SPB Stanisłaŭ Siamaška.
Raskoł u SPB adbyŭsia ŭ 2005 hodzie. Častka arhanizacyi aficyjna zarehistravana Ministerstvam justycyi Biełarusi. Nieaficyjnaje kryło SPB na čale z Anžalikaj Borys padtrymlivajuć polskija ŭłady.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary