МЗС Польшчы: Санкцыі ў дачыненні да беларускіх чыноўнікаў пакуль не ўвайшлі ў сілу.
Санкцыі ў адносінах да беларускіх чыноўнікаў, якія маюць дачыненне да парушэння правоў польскай меншасці ў Беларусі, пакуль не ўвайшлі ў сілу. Пра гэта заявіў прэс‑сакратар МЗС Польшчы Пётр Пашкоўскі.
Ён паведаміў, што спіс беларускіх чыноўнікаў, якім будзе забаронены ўезд на тэрыторыю Польшчы, пакуль толькі рыхтуецца.
»Спісу яшчэ няма. Наколькі я валодаю сітуацыяй, ён цяпер прапрацоўваецца. Як толькі будзе прынята канчатковае рашэнне, мы абвясцім імёны, уключаныя ў гэты спіс», — сказаў Пашкоўскі.
Напярэдадні шэраг польскіх СМІ са спасылкай на кіраўніка МЗС Польшчы Радаслава Сікорскага паведамілі, што рашэнне польскіх уладаў, якое забараняе ўезд у краіну беларускім чыноўнікам, набудзе моц 16 лютага.
«Адбылася некаторыя блытаніна.
Ад таго што драматычныя падзеі развіваліся вельмі хутка апошнімі днямі, некаторыя паведамленні ў СМІ не былі на 100% дакладнымі», — сказаў Пашкоўскі.
Падрыхтоўкай спісу займаецца польскае МЗС, зараз вядуцца кансультацыі. «Ёсць пэўныя працэдуры, якія павінны быць выкананы,
таму мне цяжка назваць дакладную дату, калі спіс будзе гатовы»,
— адзначыў прэс‑сакратар МЗС.
Як паведамлялася раней, 15 лютага ў розных гарадах Беларусі былі затрыманыя актывісты і кіраўніцтва непрызнаванага ўладамі Саюза палякаў на Беларусі (СПБ) на чале з Анжалікай Борыс.
Борыс аштрафавана на 30 базавых велічынь (1 млн. 50 тыс. рублёў), прадстаўнікі кіраўніцтва Анджэй Пачобут, Ігар Банцар і Мечыслаў Яскевіч асуджаны на пяць сутак арышту за арганізацыю 10 лютага ў Гродне несанкцыянаванага мітынгу ў падтрымку Івянецкай арганізацыі СПБ.
Лідэр Івянецкай арганізацыі Тарэса Собаль абвінавачваецца ў захопе мясцовага Дома польскага, найбліжэйшым часам над ёю адбудзецца суд. Іск падаў старшыня афіцыйна зарэгістраванага СПБ Станіслаў Сямашка.
Раскол у СПБ адбыўся ў 2005 годзе. Частка арганізацыі афіцыйна зарэгістравана Міністэрствам юстыцыі Беларусі. Неафіцыйнае крыло СПБ на чале з Анжалікай Борыс падтрымліваюць польскія ўлады.
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў5
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары