SK Rasii nazvaŭ dźvie asnoŭnyja viersii atručeńnia siamji ŭ Krasnajarsku, dzie pamierli ŭsie dzieci
Śledčy kamitet Rasii prapracoŭvaje dźvie viersii atručeńnia: užyvańnie ježy z taksičnym rečyvam i ŭdychańnie paroŭ insiektycydnaha aerazolu. U probach praduktaŭ siamji ekśpiertyza nie vyjaviła pieravyšeńnia normaŭ niebiaśpiečnych rečyvaŭ, piša RBK.
Śledčy kamitet razhladaje dźvie asnoŭnyja viersii atručeńnia ŭ Krasnajarsku siamji, u vyniku jakoha ŭ joj zahinuli ŭsie dzieci: užyvańnie praduktaŭ ź nieviadomym taksičnym rečyvam, a taksama ŭdychańnie paroŭ insiektycydnaha aerazolu.
Siarod viersij prakuratury byli atručeńnie praduktami ź miascovaj kramy, trapleńnie ŭ pryhatavanuju ježu niebiaśpiečnaha dla žyćcia rečyva i atručeńnie praduktami ŭłasnaj haspadarki. Paźniej asnoŭnaj viersijaj prakuratury stała atručeńnie aerazolnym preparatam ad nasiakomych, jakim dom apracavali napiaredadni.
U probach praduktaŭ siamji pieravyšeńnia niebiaśpiečnych rečyvaŭ ekśpiertyza nie vyjaviła. Śpiecyjalisty brali proby pielmieniaŭ i kurynaha miasa, kanfiskavanaha ź miascovaj kramy, a taksama praduktaŭ, znojdzienych u domie siamji: bulona, prypravaŭ, kietčupa, zielca (kaŭbasny vyrab), kurycy z bulbaj, tušanaj ryby i chatnich jajek.
«Pieravyšeńnia narmavanych značeńniaŭ nie vyjaŭlena. Pa vynikach łabaratornych daśledavańniaŭ pitnoj vady na mikrabijałahičnyja pakazčyki pieravyšeńnia narmavanych značeńniaŭ nie vyjaŭlena», — havorycca ŭ paviedamleńni viedamstva.
Śledstva praciahvaje pravodzić ekśpiertyzy, kab vyznačyć rečyva, jakoje vyklikała atručeńnie i nastupnuju śmierć dziaciej, dadali ŭ SK.
21 vieraśnia siamja z Krasnajarskaha kraja źviarnułasia ŭ balnicu z prykmietami atručeńnia — jany paviačerali kurycaj i pielmieniami ź miascovaj kramy. Šaścihadovaja dziaŭčynka i 13-hadovy chłopčyk paśla rezkaha paharšeńnia stanu pamierli ŭ balnicy. Na nastupny dzień pamierła dziaŭčynka 11 hadoŭ, a ŭ noč na paniadziełak — 12-hadovaja dziaŭčynka, apošniaja ź dziaciej siamji.
Pavodle papiarednich źviestak, śmierć nastupiła ad taksičnaha ŭździejańnia nieŭstanoŭlenaha rečyva. Darosłyja členy siamji — baćki dziaciej — aprytomnieli 23 vieraśnia, miedyki acanili ich stan jak zdavalniajučy. Žančyna ciažarnaja, jana na dziaviatym miesiacy, płodu ničoha nie pahražaje, paviedamlali ŭ SK.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary