Ministr zajaviŭ, što biełaruskaja kultura ačyściłasia ad «destruktyŭnych elemientaŭ»
Anatol Markievič u duchu času nazvaŭ rabotnikaŭ haliny bajcami kulturnaha frontu. «Nas cełaje vojska».
Ministr kultury Anatol Markievič z nahody Dnia rabotnikaŭ kultury parazvažaŭ ab stanie hetaj śfiery ŭ krainie.
Kiraŭnik viedamstva zajaviŭ, što rabotniki śfiery kultury mabilizavanyja na bitvu za Biełaruś, piša BiełTA.
«Kultura źjaŭlajecca toj śfieraj, jakaja zdolnaja dać hodny adpor antypatryjatyčnym i amaralnym vyklikam i pahrozam. Nas bolš za 50 tysiač. Heta cełaje vojska. I siońnia ŭsie my — bajcy kulturnaha frontu, mabilizavanyja na duchoŭnuju bitvu za Biełaruś.
Čas vybraŭ nas. Ad ministra da zahadčyka kłuba i sielskaha biblijatekara zaležyć pośpiech u baraćbie za rozumy i dušy suhramadzian», — zajaviŭ Markievič.
Jon taksama abviaściŭ pieramohu nad «destruktyŭnymi elemientami», ad jakich, na jaho dumku, biełaruskaja kultura ačyściłasia.
«Ačyściŭšysia ad destruktyŭnych elemientaŭ, kulturnaja supolnaść zasiarodziła namahańni na vyrašeńni hałoŭnaj zadačy — vychavańni dastojnych hramadzian i patryjotaŭ Biełarusi. U hetaj pracy aktyŭna vykarystoŭvajecca patencyjał našych muziejaŭ i abjektaŭ historyka-kulturnaj spadčyny», — miarkuje Markievič.
Ministr taksama pachvaliŭsia, što patryjatyčnaja ŭ razumieńni ŭładaŭ tematyka stała hałoŭnaj u pracy teatralna-vidoviščnych arhanizacyj i nacyjanalnaj kinastudyi «Biełaruśfilm».
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary