Kniha polskaha piśmieńnika Ihara Sakałoŭskaha pad nazvaj «Sakrety Biełarusi» vyjšła ŭ vydaviectvie Książęcy Młyn u Łodzi. Jana nahadvaje pra piersanažaŭ i fakty, viadomyja bolšaści palakaŭ, ale nie zaŭsiody źviazanyja ź Biełaruśsiu, piša Głos znad Niemna.
U vydavieckim apisańni knihi paznačana, što, idučy za aŭtaram,
«my piarojdziem pamiežny Buh i ŭbačym, jak z kasmadroma Bajkanur uźlataje Piatro Klimuk — pieršy biełarus, jaki palacieŭ u kosmas. Kasmanaŭta Valancinu Cieraškovu my sustreniem na dačy Chruščova ŭ Viskulach. Utulna raźmieścimsia ŭ kinazale, a potym adpačniem u draŭlanaj łaźni. U vioscy Milkaŭščyna pad Hrodnam my naviedajem Elizu Ažeška, a taksama ŭbačym Viciebsk vačyma polskich śpievakoŭ i Marka Šahała.
My staniem śviedkami histaryčnych lichalećciaŭ na škłozavodzie «Nioman» i ŭračystaha adkryćcia Nacyjanalnaj biblijateki Biełarusi. Razam ź Mielchijoram Vańkovičam my zazirniem u turmu, dzie Siarhiej Piasiecki stvaraje «Kachanka Vialikaj Miadźviedzicy». My možam nabyć ladoŭniu ŭ pieršym biełaruskim HUMie ŭ Minsku, bo savieckija ladoŭni ŭniviersalnyja! Jany sahrejuć letam i prachałodziać zimoj!
My znojdziem ślady maršała Piłsudskaha i daviedajemsia, chto zabiŭ Džona Kienedzi! Narešcie adpačniem u domie Česłava Niemana ŭ Starych Vasiliškach».
Aŭtar knihi, Ihar Sakałoŭski — žurnalist i padarožnik, jaki cikavicca Biełaruśsiu, Rasijaj i Ukrainaj. Jon užo raniej vydaŭ knihi «Biełaruś dla pačatkoŭcaŭ» i «Spakojna. Prosta Rasija».
Vučyłasia na nastaŭnicu biełaruskaj movy, stroiła pałkoŭnikaŭ. Šeść faktaŭ pra Volhu Čamadanavu, jakaja idzie na vybary19
Kamientary