Farmiravańnie nacenak i cen ŭ restaranach, kafe, barach nacenačnych katehoryj luks, vyšejšaja, pieršaja budzie adbyvacca z ulikam kanjunktury rynku. Kiraŭnik dziaržavy 1 sakavika 2010 hoda padpisaŭ ukaz numar 127 «Ab uniasieńni dapaŭnieńnia va Ukaz Prezidenta Respubliki Biełaruś ad 19 maja 1999 h. numar 285». Ab hetym paviedamili ŭ pres‑słužbie kiraŭnika dziaržavy.
U dakumiencie praduhledžana vyklučeńnie pradukcyi handlovych abjektaŭ hramadskaha charčavańnia nacenačnych katehoryj luks, vyšejšaja i pieršaja ź pieraliku tavaraŭ (rabot, pasłuh), ceny (taryfy), nadbaŭki (skidki) na jakija rehulujucca Savietam Ministraŭ Respubliki Biełaruś, respublikanskimi orhanami dziaržaŭnaha kiravańnia i inšymi dziaržaŭnymi arhanizacyjami, padparadkavanymi ŭradu, Nacyjanalnym bankam, abłvykankamami i Minskim harvykankamam, zaćvierdžanaha ŭkazam ad 19 maja 1999 hoda numar 285 «Ab niekatorych mierach pa stabilizacyi cen (taryfaŭ) u Respublicy Biełaruś».
Pry hetym zachoŭvajecca dziaržaŭnaje rehulavańnie nacenak i cen ŭ sacyjalna aryjentavanych abjektach hramadskaha charčavańnia druhoj i treciaj nacenačnych katehoryj (stałovyja pry pramysłovych i sielskahaspadarčych arhanizacyjach, školnyja, studenckija stałovyja).
Ciapier u respublicy funkcyjanuje 11 450 handlovych abjektaŭ hramadskaha charčavańnia, u tym liku 5455 ahulnadastupnych abjektaŭ. Nacenačnyja katehoryi luks i vyšejšaja majuć tolki 57 abjektaŭ (0,5 pracenta ad ich ahulnaj kolkaści), pieršuju katehoryju — 1413 abjektaŭ (12,3 pracenta).
Takim čynam, pa bolšaści abjektaŭ hramadskaha charčavańnia praktyka dziaržaŭnaha rehulavańnia nacenak i cen zachavajecca.
Ukaz padrychtavany ŭ metach stymulavańnia raźvićcia restarannaha biźniesu, libieralizacyi pradprymalnickaj dziejnaści.
Pryniaćcie ŭkaza pavinna spraścić rabotu arhanizacyj hramadskaha charčavańnia, sadziejničać pavyšeńniu jakaści vypuskajemaj pradukcyi i pradastaŭlajemych pasłuh, kultury absłuhoŭvańnia spažyŭcoŭ, pavialičyć inviestycyjnuju pryvabnaść hetaj śfiery dziejnaści, nadać stymuł raźvićciu restarannaha biźniesu.
Ciapier čytajuć
U Bychavie pastavili vyrodlivy pomnik žančynie. Razam sa skulpturaj u Kaściukovičach jon moža stać simvałam kulturnaj dehradacyi Biełarusi pry Łukašenku31
Kamientary