Byvajuć situacyi, kali čałaviek apłaciŭ prajezd, ale padčas pravierki vyśviatlajecca, što jon jedzie «zajcam». Jak takoje mahčyma i jak nie apynucca biez kvitka, tłumačyć ahienctva «Minsk-Naviny».
U jakaści prykładu vydańnie pryvodzić situacyju sa staličnym aŭtobusam №65. Pasažyr zachodzić na prypynku «Sendajski skvier» i apłačvaje prajezd. Nastupny prypynak — «Haradski Vał», zatym aŭtobus razvaročvajecca i jedzie nazad.
Kali pravieryć svoj bilet u hety momant, to akazvajecca, što jon užo niesapraŭdny. Jak takoje moža adbycca?
U «Minsktransie» rastłumačyli, što pasažyr apłačvaje adnu pajezdku.
«Takoj ličycca adzin prajezd pa maršrucie na praciahu adnaho rejsa, u toj čas jak rejs — heta šlach transpartnaha srodku ad pačatkovaha da kančatkovaha prypynku maršrutu ŭ pramym abo zvarotnym kirunku», — rastłumačyli ŭ arhanizacyi.
Sistema apłaty pracuje tak, što pa prybyćci na kančatkovy prypynak rejs źmianiajecca na zvarotny. U hety momant pasažyraŭ zvyčajna prosiać vyzvalić sałon. Adnak na niekatorych maršrutach, dla zručnaści pasažyraŭ, pierazahruzka rejsa nie robicca.
Tamu, kali tak zdaryłasia, što vy prabili tałon, a nastupny prypynak — kančatkovy, to paśla jaho vy budziecie bieźbiletnikam.
Što rabić u takoj situacyi?
U vas jość dva varyjanty dziejańniaŭ:
— nabyć novy bilet
— ci zapłacić štraf za prajezd bieź jaho.
Ciapier čytajuć
Łukašenka zajaviŭ pra hatoŭnaść pryjechać u Kijeŭ101
Kamientary