U konkursie na stvareńnie pomnika ŭziali ŭdzieł siem skulptaraŭ ź Viciebska i Minska. Šeść aŭtaraŭ pradstavili na sud publiki i prafiesijnaha žury konnyja pomniki. Adzin — skulpturnuju hrupu ź piaci fihur.
U viciebskaj Muzyčnaj haścioŭni prachodzić hramadskaje abmierkavańnie eskizaŭ pomnika kniaziu Alhierdu — dziaržaŭnamu dziejaču Vialikaha kniastva Litoŭskaha.
Naviedniki mohuć prahałasavać za ŭpadabany im varyjant i pakinuć svajo mierkavańnie ab ekspanatach u śpiecyjalnym žurnale.
U konkursie na stvareńnie pomnika ŭziali ŭdzieł siem skulptaraŭ ź Viciebska i Minska. Šeść aŭtaraŭ pradstavili na sud publiki i prafiesijnaha žury konnyja pomniki, na jakich Alhierd pakazany ŭ vobrazie mužnaha voina i talenavitaha pałkavodca.
Roźnica hałoŭnym čynam u pastamiencie. U niekatorych skulptur jon nahadvaje zamkavuju viežu, adna z madelaŭ upryhožana padśvietkaj, jość taksama varyjant z pastamientam z žalezabietonnaj kanstrukcyi, jakaja z troch bakoŭ čytajecca jak litara »A».
Na fonie konnych skulptur vydzialajecca rabota pad nazvaj «Honar rodu Hiedyminava — Alhierd i naščadki jaho», dzie pakazana skulpturnaja hrupa ź piaci fihur.
U centry kampazicyi, na ŭzvyšeńni z čornaha i čyrvonaha hranitu, fihura kniazia, jaki trymaje mieč i ščyt z hierbam VKŁ. Pobač fihury dźviuch jaho žonak — Maryi Jarasłavaŭny i Juljanii Alaksandraŭny, a taksama synoŭ ad pieršaha i druhoha šlubaŭ Andreja Połackaha i Jahajły. Pastamient hetaha pomnika padobny na arku z prystupkami dla prachodu, što, pavodle zadumy aŭtara, daje hledaču mahčymaść simvalična prajści praz histaryčnuju epochu.
Vystavu madelaŭ budučaha pomnika možna naviedać da kanca sakavika.
Manumient kniaziu Alhierdu płanujecca ŭstanavić u centry horada na vulicy Tałstoha, na placoŭcy nasuprać Śviata‑Uvaskrasienskaj carkvy.
Raniej u abłasnym centry prajšli konkursy na lepšaje skulpturnaje ŭvasableńnie vobrazaŭ jašče dźviuch słavutych histaryčnych asob, los jakich taksama byŭ źviazany ź Viciebskam, — lehiendarnaj zasnavalnicy horada kniahini Volhi i kniazia Alaksandra Nieŭskaha.
Čakajecca, što pomnik Volzie budzie ŭstanoŭleny da červienia na vierchniaj placoŭcy Letniaha amfiteatra, na skryžavańni vulicy Lenina i praśpiekta Frunze. Manumient u honar Alaksandra Nieŭskaha pavinien upryhožyć płošču Tysiačahodździa, dzie znachodzicca draŭlany Alaksandra‑Nieŭski chram.
-
U Italii abrabavali muziej z karcinami hienija Adradžeńnia, jakoha paraŭnoŭvali z Rafaelem. Čamu zładziei spakusilisia mienavita hetymi tvorami?
-
Łatuška: Łukašenka asabista zahadaŭ mnie skaracić Śpis pomnikaŭ udvaja, bo jany «zaminajuć inviestaram»
-
Pad Tałačynom adkapali freski ŭ krypcie kniazioŭ Druckich-Sakolinskich. Na raskopki naźbirali praz kraŭdfandynh
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary