Śpiecpradstaŭnika ZŠA pa Biełarusi Džona Koŭła ŭ sacsietcy X spytali, ci možna čakać vyzvaleńnia palitviaźniaŭ u najbližejšy čas.
Jana Kavalova — siastra palitviaźnia Illi Vieremiejeva, jakoha zatrymali ŭ lutym 2022 hoda i asudzili na vosiem hadoŭ kałonii, spytała Koŭła: «Ci možam my spadziavacca na vyzvaleńnie palitviaźniaŭ u najbližejšaj budučyni?»
Koŭł adkazaŭ adnym słovam: «Tak».
Raniej, u červieni, na pytańnie ŭ sacsietcy X, kali jaho čakać u Minsku, amierykanski śpiecpradstaŭnik adkazaŭ: «Chutka». Da hetaha Koŭł zajaŭlaŭ, što jašče nie skončyŭ pracu nad vyzvaleńniem palitviaźniaŭ, i zaklikaŭ nie hublać nadzieju.
A na post Śviatłany Cichanoŭskaj z padziakami amierykanskamu boku, Koŭł adkazaŭ: «Napieradzie jašče bolš [vyzvaleńniaŭ]».
Na pytańnie «Našaj Nivy» padčas kanfierencyi «Novaja Biełaruś» Śviatłana Cichanoŭskaja zapeŭniła, što humanitarny trek praciahvajecca.
«Heta nie paŭza, a abstaviny. My razumiejem, što damaŭlacca z režymam ciažka, ale my na pastajannaj suviazi sa spadarom Džonam Koŭłam i vielmi ŭdziačnyja jamu, spadaru Donaldu Trampu i Marku Rubia, što jany spryjajuć hetamu humanitarnamu treku. Sačycie za sacsietkami spadara Koŭła, jon kaža, što čakajucca dobryja naviny», — skazała jana.
Pavodle amierykanskaha boku, ahułam ZŠA paspryjali vyzvaleńniu bolš jak 500 biełaruskich palitviaźniaŭ.
Kamientary