Machlary pradajuć u internecie «pamiłavańnie ad Łukašenki» za 5 tysiač dalaraŭ
Karystajučysia asablivaściami palityčnaj situacyi ŭ Biełarusi, cyničnyja ašukancy stali vykarystoŭvać temu pamiłavańnia dla palitviaźniaŭ, kab vymańvać hrošaj u ichnich svajakoŭ. Niekalki ź ich užo trapili ŭ rasstaŭlenyja sietki, piša Mayday.time.
Śpiarša inkohnita i «tolki dla svaich» ludzi, jakija pradstaŭlajucca blizkimi da ŭładaŭ dziejačami, prapanujuć vyrašyć pytańnie z pamiłavańniem za dva miesiacy.
Pierakonvajuć ludziej jany pry dapamozie navin z sajtaŭ dziaržaŭnych i niedziaržaŭnych ŚMI. Pry hetym niekatoryja materyjały z sajtaŭ, pryznanych «ekstremisckimi», jany śpiecyjalna adkryta pościać, kab pakazać, što ničoha nie bajacca.
Pa słovach złamyśnikaŭ, pytańnie pamiłavańniaŭ pastaŭlena nibyta na patok, a jaho košt — 5000 dalaraŭ. Pry hetym havorka nibyta idzie nie tolki pra palityčnyja artykuły. Ašukancy dobra vałodajuć jurydyčnaj movaj i navat raskazvajuć uvieś ałharytm, pavodle jakoha nibyta robicca pamiłavańnie.
Zadatak u dźvie tysiačy jany biaruć adrazu, a paśla samoha pamiłavańnia im treba pieradać jašče try tysiačy. Atrymaŭšy ž zadatak, machlary biasśledna źnikajuć.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3535
Kamientary