У Пакістане заявілі, што Індыя збіраецца на іх напасці цягам 24-36 гадзін
Міністр інфармацыі Пакістана Атаула Тарар заявіў, што Індыя плануе здзейсніць ваенныя дзеянні супраць Пакістана на працягу 24—36 гадзін, пра гэта ён заявіў у сетцы Х са спасылкай на разведзвесткі.
«Пакістан мае дакладныя разведвальныя даныя пра тое, што Індыя мае намер ажыццявіць ваенныя дзеянні супраць Пакістана на працягу наступных 24—36 гадзін. Любая агрэсія сустрэне рашучы адказ. Індыя будзе несці поўную адказнасць за патэнцыйна катастрафічныя наступствы ў рэгіёне», — напісаў ён.
Напярэдадні міністр абароны Пакістана Хаваджа Мухамад Асіф заявіў, што пасля нядаўняй атакі на турыстаў у Кашміры ваеннае ўварванне Індыі з’яўляецца амаль непазбежным, што яшчэ больш абвастрае напружанне паміж дзвюма ядзернымі дзяржавамі.
23 красавіка 26 чалавек загінулі ў выніку ўзброенага нападу баевікоў на турыстаў у горадзе Пахалгам, размешчаным у індыйскім Кашміры, што стала найбуйнейшай атакай на мірных жыхароў у рэгіёне за апошнія гады.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары