Raźjušanaja moładź patrabuje, kab «rasijcy zabiralisia z kirhizskaj ziamli»
Ranicaj kala tysiačy čałaviek, uzbrojenych pałkami i pachodniami, uvajšli ŭ stalicu Kyrhyzstana. Na ŭskrainach Biškieka natoŭp sprabuje zachapić damy turkaŭ i rasijskamoŭnych žycharoŭ.Rasijskija desantniki, dysłakavanyja u respublicy, u situacyju pakul nie ŭmiešvajucca.
U Biškiek natoŭp pryjšoŭ z boku vioski Majoŭka, dzie, jak paviedamili vidavočcy rasijskim infarmahienctvam, moładź zrabiła sprobu zachopu damoŭ rasijskamoŭnych hramadzian.
«Jany ŭryvalisia ŭ damy rasijcaŭ i patrabavali, kab rasijcy zabiralisia», — skazała adna z žycharak vioski.
Pa darozie moładź padpaliła mašynu pravaachoŭnych orhanaŭ.
Sutyknieńni pierakinulisia na centr horada.
Udzieł u napadzie brali tak zvanyja «samazachopniki» — asoby, jakija pretendujuć na ziemli ŭ kirhizskaj stalicy. 5 hadoŭ tamu, paśla skidańnia Akajeva, samazachopniki pretendavali na dziaržaŭnyja ziemli, hetym razam pakusilisia na pryvatnyja.
Niestabilnaj zastajecca i situacyja na poŭdni krainy. Učora mitynhoŭcy ŭ Džałałabadzie źbili ministra ŭnutranych spravaŭ časovaha ŭrada krainy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary