Pierahavorščyk Pucina zapościŭ karcinku ŭ styli «Simpsanaŭ»: na joj Ukrainu padzialili Rasija i Vienhryja
Kirył Dźmitryjeŭ, jaki naradziŭsia ŭ Kijevie, prapanavaŭ svaim padpisčykam u zabaronienym u Rasii instahramie paraŭnać jaho tvorčaść z aryhinałam.
Śpiecpradstaŭnik Uładzimira Pucina Kirył Dźmitryjeŭ apublikavaŭ u instahramie karykaturu ŭ styli «Simpsanaŭ» na ŭčarašniaje fota ź Biełaha doma. Na tym fota Uładzimir Zialenski i Donald Tramp stajać pierad kartaj Ukrainy, na jakoj adznačanyja akupavanyja Rasijaj terytoryi.
Na malunku Dźmitryjeva karta inšaja: na joj Ukrainy ŭžo niama. Kraina padzielenaja pamiž Rasijaj i Vienhryjaj, u jakich źjaviłasia ahulnaja miaža.
«Jakoje fota lepšaje?» — takoje pytańnie zadaŭ rasijski pieramoŭščyk svaim padpisčykam. Kamientatary kinulisia napieraboj chvalić «asablivaje pačućcio humaru» pradstaŭnika Pucina.
Cikava, što rasijski čynoŭnik karystajecca instahramam, jakija rasijskija ž ułady zabaranili. Na sajcie i ŭ tvitary Dźmitryjeva niama spasyłki na hetuju staronku, adnak rasijskija dziaržSMI adznačajuć, što profil sapraŭdny.
Kirył Dźmitryjeŭ naradziŭsia ŭ Kijevie, va ŭsiakim razie raniej u jaho było ŭkrainskaje hramadzianstva. Jon skončyŭ prestyžnyja amierykanskija ŭniviersitety Stenfard i Harvard, žyŭ i pracavaŭ u Jeŭropie, dzie pabudavaŭ paśpiachovuju karjeru ŭ inviestycyjnym biznesie. U 2011 hodzie Dźmitryjeŭ uznačaliŭ Rasijski fond pramych inviestycyj, stvorany ŭradam.
Dźmitryjeŭ — adzin z klučavych rasijskich pieramoŭščykaŭ z ZŠA. Jaho nazyvajuć «čałaviekam Pucina». Dźmitryjeŭ byŭ členam rasijskaj delehacyi padčas pieramoŭ Pucina i Trampa na Alascy.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku47
Kamientary
I niejak niesamabytna. Treba było pościć ŭ Adnakłaśnikach, ŠI-malunak ad Jandeks Šedevrum i z hierojami Vaŭkom i Zajcam (chacia jany ž źniaty z Toma i Džery... i tut skradzienaje).
Ale zdajecca, nie dapamahło nie pahłupieć ŭ niekatorych pytańniach.